Umalliq T’aqaq cartan

Munasqa hermanoykuna:

Jehová Diosta adoraqkunaqa anchatan Bibliata valoranchis. Convencesqan kashanchis Bibliaqa cheqaqta willasqanmanta, consejonkuna yanapawasqanchismanta, Diospa munakuwasqanchismanta pruebakuna kasqanmantapas (Salmos 119:105; Lucas 1:3; 1 Juan 4:19). Noqanchisqa maytan munanchis runakuna Diospa siminmanta yachanankuta. Chaypaqmi “¿Imakunatan Bibliamanta yachayman?” nisqa librota preparamurqayku. Chay libromanta yacharisun.

Kay librotaqa wawakuna entiendenanpaq jinan ruwakamurqan, ichaqa Bibliamanta astawan yachayta munaqpas imaymanatan yachanman. Jinaspapas Bibliaqa llapa runatan yanapawanchis, chaymi kay libroqa yanapawasun kusisqa kausananchispaq.

Kay libroqa Bibliapi tarikuq willakuykunaman jinan ruwasqa kashan, tukuy imapas kamasqa kasqanmantapachan willayta qallarin. Jinaspapas kay libroqa facilta entiendenapaq jinan ruwasqa kashan, ordenpitaq willashan imakunachus pasasqanta.

Kay libropi fotokunapas willakuykunapas rikushasunmanpas jina leenanchispaqmi ruwakamurqan.

Kay librota leespan reparasun Bibliaqa Diosta kasukuq runakunamanta, mana kasukuq runakunamantapas rimasqanta, paykunamanta yachasqanchistaq yanapawasun vidanchispi (Romanos 15:4; 1 Corintios 10:6). Kay libroqa 14 t’aqapin t’aqasqa kashan, sapanka t’aqaq qallariyninpitaq willashan imakunamanta yachananchista.

Wawayoq kanki chayqa, juj capitulotan leewaqchis dibujonmantapas rimawaqchis. Chaymantataq yana letrakunapi tarikuq textota leewaqchis. Wawaykiqa reparananmi kay libropi willakuykunaqa Bibliaq nisqanman jina kasqanta. Chhaynatan ruwawaqchis kuraq runakunaman yachachishaspapas.

Maytan munayku kay librota leespa wawakunapas kuraqkunapas Bibliaq nisqanta entiendenankuta, chayman jina kausanankutapas. Chhaynapi juj hermanokunawan kuska Jehová Diosta adoranankupaq.