Allin willakuykunata willasun

1. ¿Pin kanan karan Diospa ajllasqan kamachiq?

Unaymi chayqa karan pakasqa yachay.

Kunanmi ichaqa chay yachayqa sut’iña;

Jesusmi karan chay ajllasqa kaq reyqa.

Munakuq kaspan Jehová Diosqa Jesusta

ajllaran kay pachata kamachimunanpaq.

Paypaqmi juj noviata ch’uyanchapuran;

novianwan kuskan payqa kamachimunqa.

2. Jehová Diosmantan jamun chay willakuyqa,

chayraykun chayta willamunanchis lliuman.

Chaypaqmi Diosqa ch’uya angelkunawan

pusawashanchis lliuman chayananchispaq.

Kay tiempollapin kanqa khayna llank’ayqa,

chayrayku tukuy sonqo Diosta jatunchasun.

Noqallanchismi Diospa llaqtanqa kanchis,

chayrayku allin willakuyta willasun.