Jujkunaq allinninta maskhay

Jesuspa imachus ruwasqan

VIDEO: Pozoq ladonpi Jesús juj warmiwan riman

1. VIDEOTA qhaway otaq leey Juan 4:​6-9 textota. Jinaspa qatimuq tapuykunapi yuyaymanay:

1. ¿Imatan Jesús repararqan manaraq Samaria llaqtayoq warmiwan rimashaspa?

2. Jesusmi nirqan: “Juj chhikan unuta qoykuway ujanaypaq”, nispa. ¿Imaraykun Jesuspa chhaynata rimayta qallarisqan allinpuni karqan?

¿Imatan yachasunman Jesuspa imayna yachachisqanmanta?

2. Sichus runakunata rimapayayta qallarisun imachus ruwashasqankumanta otaq yachayta munasqankumanta chayqa, tupachisunmi parlata.

Jesuspa ruwasqanta jina ruway

3. Yachay munasqanmanta rimay. Qanpa munasqaykimanta rimayta qallarinaykimantaqa uyariqniykiq imamantachus rimayta munasqanmanta rimay. Chhaynaqa piensayniykita cambiay, jinaspa kaykunata tapukuy:

1. “¿Imakunamantan noticiakunapi willakamushanku?”.

2. “¿Imakunamantan vecinoykuna, llank’aqmasiykuna, escuelapi compañeroykunapas rimanku?”.

4. Allin reparaq kay. Chaypaqqa kaykunatan tapukuwaq:

1. “¿Imatan uyariqniy kay ratupi ruwashan? ¿Imapin piensashanman?”.

2. “¿Imayna p’achasqan kashan, imaynan wasin kashan, imakunapin creenman?”.

3. “¿Kay ratupi uyariwanmanchu?”.

5. Makilla uyariy.

1. Ama nishuta rimaychu.

2. Dejallay uyariqniykiq rimananta. Jinaspa rimanaykipaq jina kaqtin tapuykunata ruway.