Fácil entiendeyllata rimay

Jesuspa imachus ruwasqan

VIDEO: Juj rijch’anachiywan Jesús yachachin Jehová Dios cuidawasqanchista

1. VIDEOTA qhaway otaq leey Mateo 6:​25-27 textota. Jinaspa qatimuq tapuykunapi yuyaymanay:

1. ¿Ima rijch’anachiywanmi Jesús yachachirqan Jehová Dios cuidawasqanchista?

2. Jesusqa imaymanatan phalaq animalkunamanta yacharqan. Ichaqa, ¿imaraykun mana nishutachu chaykunamanta rimarqan, aswanpas fácil entiendeyllata yachachirqan? ¿Imaraykun chhayna yachachisqan allinpuni karqan?

¿Imatan yachasunman Jesuspa imayna yachachisqanmanta?

2. Fácil entiendeyllata rimasun chayqa, manan qonqanqakuchu imachus yachachisqanchista, sonqonkumantaqmi chayanqapas.

Jesuspa ruwasqanta jina ruway

3. Ama nishuta rimaychu. Imamantapas yachachishaspaqa manan llapa yachasqaykitaraqchu willanayki. Aswanpas yachachisqayki qelqapi imachus kashan chayllatan yachachinayki. Imatapas tapuspaqa pacienciallawan suyay kutichinasuykita. Mana kutichiyta atisunkichu otaq mana Bibliaq nisqanman jinachu imatapas nisunki chayqa, juj tapuykunatawan ruway. Sichus entienderunña chayqa qatimuqman pasaychis.

4. Imakunatachus yachachisqayki runa yachanña chaykunawan yanapachikuy astawan entiendechinaykipaq. Kausarimpuymanta yachachinaykipaq tupasunki chayqa, ñaupaqmantañan t’aqwiriwaq yachachisqayki runa imakunatas yachanña wañupuqkuna imaynapi tarikusqankumanta chayta.

5. Rijch’anachiykunata allinta ajllay. Manaraq ajllashaspa kaykunata tapukuy:

1. “¿Fácil entiendeyllachu kay rijch’anachiy?”.

2. “¿Entiendenqachu yachachisqay runa?”.

3. “¿Yuyanqachu kay rijch’anachiywan imachus yachachisqayta icha rijch’anachiyllatachu yuyanqa?”.