Allinta preparakusun yachachinapaq
1. ¿Imaraykun kallpachakunanchis estudianteq sonqonman chayananchispaq?
1 Sichus munanchis estudiantekuna Diosta servinankuta chayqa, allintan preparakunanchis estudiota qonapaq. Hinallataq kallpachakunanchis Bibliaq yachachikuyninkunata estudianteq sonqonman chayachinanchispaq, chhaynapin payrayku ima ruwasqanchispas mana yanqapaqchu kanqa (Deu. 6:5; Pro. 4:23; 1 Cor. 9:26). Chhaynaqa, ¿imatan ruwananchis?
2. ¿Imaraykun Diosmanta mañakuspa preparakunanchis?
2 Diosmanta mañakuspa preparakusun: Diosmi estudianteq iñiynintaqa wiñachin, chaymi paymanta mañakuspa estudio qonapaq preparakunanchis. Chay mañakuypin estudiantepaqpas mañapuna (1 Cor. 3:6; Sant. 1:5). Diosmanta mañakuspa preparakuqtinchisqa aswan allintan yachasun estudiante Diospa munayninta allinta reqsinanpaq imayna yachachiyta (Col. 1:9, 10).
3. ¿Imaynatan sapanka estudiantepaq preparakunanchis?
3 Estudianteta yanapanapaq hina preparakusun: Jesusqa uyariqninkunaq imayna kasqankuman hina, imayna tarikusqankuman hinan yachachiq. Chaymi iskay kutipi: “¿Imatan ruwasaq wiñay kawsayniyoq kanaypaq?” nispa tapuqtinku, payqa sapanka tapuqninman mana kaqllatachu kutichiran (Luc. 10:25-28; 18:18-20). Ñoqanchispas sapanka estudiante imayna kasqanman hinan preparakunanchis. Chaypaqmi yachananchis mayqen textokuna leeyta, hayk’a párrafo estudiayta, mayqen yachachikuykunachus sasa entiendey kanman chaytapas. Chaymantapas piensashananchisñan imatachus tapuwasunman estudiasqanchismanta chaypi, chhaynapin allin preparasqa kasun kutichinapaq.
4. ¿Imaynatan allinta preparakusunman?
4 Sapanka estudiopaq preparakusun: Estudio qonanchis temata askha kutitaña estudiaranchis chaypas, estudianteqa chayraqmi chaymanta yachanqa. Sichus paypa sonqonman chayayta munanchis chayqa, sapanka estudiopaqmi allinta preparakunanchis. Estudianteman: “Allintayá preparakunki, textokunatapas maskhanki”, nispa nisqanchisman hinan ñoqanchispas preparakunanchis. Chaytaqa ruwananchis estudianteq imayna kasqanta yuyarispan, chaypaqqa yaqapaschá parrafokunapi allin yachachikuykunata marcananchis kanqa (Rom. 2:21, 22).
5. ¿Imaynapin Jehová Dios hina kasunman?
5 Jehová Diosqa makillan qhawamushan sapanka estudianteta, munantaqmi iñiyninkupi wiñanankuta (2 Ped. 3:9). Chaymi ñoqanchispas tiempota hap’ispa sapanka estudiopaq allinta preparakunanchis.