Jesucristo yachachikuyninkunapiwan

“Capernauma llaqtamanta ancha yachayniyoq runataqa manan pipas qonqanchu, kunankama runakunaq sonqonpi yachachikuyninkuna saphichasqa kasqanrayku.” (GREGG EASTERBROOK QELQAQ)

ALLIN rimasqa simikunaqa atiyniyoqmi, sonqotan kuyurichin, kallpachanmi, runakunaq kawsaynintapas cambianmi. Jesús hinan ichaqa mana pipas rimarqanchu. Chaytan rikuchin Jesuspa yachachisqanta uyariq runa, paymi nirqan: “Chaykunata rimayta Jesús tukuqtintaq runakunaqa yachachikuyninmanta muspharqanku”, nispa (Mateo 7:28).

Kunanpas pachantinpi runakunan Jesuspa wakin sumaq yachachikuyninkunata reqsinku. Wakinmi kaykuna:

“Manan Diostawan qhapaq kaytawanqa serviyta atiwaqchischu.” (Mateo 6:24)

“Imaynatachus runakunaq ruwanasuykichista munankichis, chhaynaIlatataq qankunapas paykunata ruwaychis.” (Mateo 7:12)

“Cesarpa kaqtaqa payman qopuychis, Diospa kaqtapas Diosman qopuychis.” (Mateo 22:21)

“Aswan kusisamiyoqqa qoqmi chaskiqmantaqa.” (Hechos 20:35)

Jesusqa manan yachaywan rimana simikunallatachu rimarqan. Yachachikuyninqa atiyniyoqmi karqan. Sut’intan yachachirqan Diosmanta, allin kawsaymanta, Diospa gobiernonwan runaq ñak’ariynin tukupunanmantawan. Chaykunamantan qatimuq yachachikuykunapi astawan yachasun. Chhaynapin entiendesun imaraykun “kunankama runakunaq sonqonpi yachachikuyninkuna shaphichasqa” kashan chayta.

[Uranpi willakuy]