Qhawaq revista fácil entiendena inglés simipi
HUK sumaq willakuymi qankunapaq kashan: kay julio killamantapachan huk wata hunt’a imaynachus kasqanta yachanapaq Qhawaq revista fácil entiendena inglés simipi lloqsimunqa. Kay revistaqa huk revistakunawan kuskan lloqsimunqa. Llapa estudianapaq temakunan kanqa aypasqanman hinataq huk yachachikuykuna kallanqataq. ¿Imaraykun chay revista lloqsimunqa? Askha Testigokuna Diospa siminmanta astawan yachanankupaq.
Fiyi, Ghana, Kenia, Liberia, Nigeria, Papúa Nueva Guinea, islas Salomón nacionkunapiqa inglés simitan astawanqa rimanku. Iñiqmasinchiskunapas chay simitan rimanku huñunakuyninkupi predicacionpipas wasinkupi huk simitaña rimanku chaypas. Paykunan inglés simipi lloqsimuq qelqanchiskunata sasata entiendenku. Hinaspapas askha Testigokunan huk nacionkunapi tiyanku; manaña allintachu inglés simita rimanku chaypas chay simipin hukkunawan rimanku. Wakinqa manan yachasqanku simipichu huñunakunkupas.
Sapa semana Qhawaq Revistata Estudianapaq Huñunakuypin astawanqa espiritual mikhunata chaskinchis. Chaymi inglés simi rimaq iniqmasinchiskuna aswan allinta yanapachikunankupaq fácil entiendena simipi chay revista ruwakun. Chay revistaq tapanqa hukniraymi kanqa, ichaqa tapukuykunapas recuadrokunapas fotokunapas kaqllan kanqa. Qhawaq Revistata Estudianapaq Huñunakuypiqa sapankan mayqen revistawanpas estudianman. Sichus inglés simita rimanki chayqa, ¿munawaqchu yachayta imapi hukniray kasqanta? Kay paginaq uranpin ñawpaq estudiopi iskaykaq párrafo kashan.
Askha cristianokunan Diosta mañakurqanku: “Yuyayta qoway kamachikuyniykikunata yachanaypaq”, nispa (Sal. 119:73). Chaypaqpunin kay mosoq revistaqa lloqsimushan. Wayna-sipaskunapas, inglés simita pisillata yachaq cristianokunapas aswan allintachá Qhawaq revistata estudianapaq preparakunqaku. ¡Anchatan Jehová Dios agradecekuykiku ‘munakuyniykita [llapa] iñiq-masikunaman’ rikuchimuwasqaykikumanta ‘allin yuyayniyoq hunt’aq kamachiwan’ espiritual mikhuna apachimuwasqaykikumantapas! (1 Ped. 2:17; Mat. 24:45.)
Jehová Diospa Testigonkunamanta Umalliq T’aqa