Sumaq cambiokuna Qhawaq nisqa revistapi
1 Ñawpaq killakunapin congregacionkunapi sumaq willakuyta uyarikuran, La Atalaya nisqa revista quechua simipi lloqsimunanta, chay revistaq sutinmi quechuapi Qhawaq. Chay Qhawaq revistapin tarikun congregacionpi estudianapaq temakuna, chayqa yanapashanñan chay revistata estudianapaq huñunakuqkunata, chaywanmi aswan allinta yachashanku. Ichaqa chay revistaqa manan hunt’asqachu kashan. Ejemplopaq, chay revistapiqa tarikun congregacionpi estudianapaq temakunallan, chaymi mana saqenchischu predicasqanchis runakunaman. Chaymantapas manallataq kanchu dibujokuna chaykunawan yanapachikuspa aswan allinta yachanapaq. Ichaqa ancha kusikunapaqmi kay willakuy, 2008 watamanta enero killamantapacha lloqsimunqa huk mosoq Qhawaq nisqa revista sapa killa. ¿Imakunapin hukniray kanqa chay revista? ¿Ima allinkunata apamunqa?
2 Imaynan kunan españolpi La Atalaya nisqa revista kashan chay hinallataqmi mosoq Qhawaq revistapas kanqa, manan congregacionpi estudianapaq temakunallachu kanqa, aswanpas llapa runakunapaq temakunapas kallanqataqmi. Chayrayku chay revistataqa predicasqanchis runakunaman saqemusun. Reinopaq Servicionchispi lloqsimun imaynata revistakunata munachina nisqa yanapaykuna, chaypin lloqsimunqa Qhawaq revistata allinta munachinapaq yanapaykuna. Chaymantapas, qallariy tapanpi kanqa sumaq dibujokuna, revista ukhupipas kallanqataqmi sumaq dibujokuna, ahinapi sumaqta qhawarikunqa revistanchis, yanapawasuntaq allinta yachananchispaq.
3 Chay revistapin kallanqataq temakuna Bibliamanta yachachikuykunata facilllata entiendenapaq. Wakin temakunataq rimanqa imaynata Biblia familiakunata yanapanman chayta. Chaymantapas kallanqataqmi temakuna Bibliamanta textokunata t’aqwirinapaq, chay textokunan yanapawasun Jehová Diosta astawan reqsinapaq.
4 Jehová Diosta mañakunchis chay mosoq revista ruwakusqanta saminchananpaq. Anchatapunin munanchis Qhawaq nisqa revista sumaq sonqoyoq runakunaman allin willakuykuna apasqanchispi yanapawananchista, chhaynapi paykunapas Hatun Jehová Diosninchisman asuykunankupaq (Mat. 10:11).