BIBLIAMANTA TAPUKUYKUNA
¿Imaraykun kay pachapi mana thak kay kanchu?
Pachantinpi thak kay kananpaqqa huk allin kamachikuqmi kanan, chhaynapin runakunata yanapanqa Diosman kutirikunankupaq
Bibliapin willashan imaraykus mana thak kay kanchu chayta. Ñawpaqpi, runakunaqa imaymanataña ruwanku munasqankuta aypanankupaq chaypas manan atinkuchu, ¿imarayku? Mana chaypaq kamasqa kasqanrayku. Iskaypitaq, ‘lliw kay pachata saqraq munaychakusqanrayku’. Chaymi runakunaqa manan thak kayta apamuyta atinkuchu (leey Jeremías 10:23; 1 Juan 5:19).
Paykunallapaq imatapas munaq runakunaqa hark’anku thak kay kananpaq. Chaymi kay pachapi thak kay kananpaqqa necesitakunmi huk allin kamachikuqta, runamasinta munakuyta, allin kaqta munakuytapas yachachiqta (leey Isaías 32:17; 48:18, 22).
¿Pin kay pachaman thak kayta apamunqa?
Tukuy atiyniyoq Diosqa prometerqanmi kay pacha kamachikuqkunata ch’usaqyachispa huk allin kamachikuqta paqarichinanpaq (Daniel 2:44). Chay Gobiernopiqa Jesusmi umallinqa, paytan Biblia sutichan “Thak-kaypa Qollanan” nispa. Paymi tukuy mana allin ruwaykunata tukuchinqa hinaspa runakunata yachachinqa thak ñanpi purinankupaq (leey Isaías 9:6, 7; 11:4, 9).
Kay tiempopi millonninpi runakuna Cristoq umallisqan, Bibliaq yanapayninwanmi runakunata yachachishanku runamasinkuwan thakpi kawsanankupaq. Pisi tiempomanta kay pachapi thak kay kanqa (leey Isaías 2:3, 4; 54:13).