¿Imaraykun kay pachapi mana kanchu thaj kausay?
¿Ima ninmi Biblia?
Runakunaqa manan paykunallamantaqa pachantinpi thaj kausayta aypayta atinkumanchu. ¿Imaraykun mana atinkumanchu? Chaymanta yachasun:
Jeremías 10:23 nin: “Runaqa manan yachakunchu imayna kanantapas”, nispa. Manan runakunaqa paykuna kikinku kamachikunankupaqchu kamasqa karanku. Chayraykun mana atinkuchu thaj kausay aypayta.
Salmos 146:3, 4 nin: “Ama kamachikuqkunamanqa k’askakuychischu, ama runallamanqa jap’ipakuychischu, manan payqa qespichiyta atinchu. Wañukapuspanqa allpamanmi tukupun, chay p’unchaypachan yuyaykusqankunaqa chinkapun”, nispa. Manan allin gobiernokunapas guerrakunataqa tukuchiyta atinkumanchu.
2 Timoteo 3:1-4 nin: “Tukukuy p’unchaykunataqa manchakuy sinchi sasa tiempokunan chayamunqa. Runakunan kanqa [...] sinchi k’araq sonqokuna, allin kaqta mana munakuqkuna, traicionerokuna, tercokuna, sinchita jatunchakuqkuna”, nispa. ‘Tukukuy p’unchaykunapi’ kasqanchisraykun runakunaqa chhayna kanku, chaymi mana thaj kausay kanchu.
Apocalipsis 12:12 nin: “¡Ay, imaynaraqmi kankichis kay pachapi lamar-qochapi tiyaqkuna! Saqran qankunaman uraykamun, sinchi phiñasqan kashan, tiempoqa pisillaña kananta yachaspa”, nispa. Saqran kay pachaman wijch’uykamusqa karan, paymi runakunata tanqashan sinchi millay maqanakuykunaman. Saqran ‘kay pachataqa kamachishan’, chaymi mana thaj kausay kanchu (Juan 12:31).
Daniel 2:44 nin: “[Diospa gobiernonmi] llapa gobiernokunata ñut’uspa tukunqa, wiñaypaqtaq kanqapas”, nispa. Wiñaypaq thaj kausaytaqa Diospa gobiernollanmi apamunqa, manan runakunaq gobiernonchu (Salmo 145:16).