BIBLIAMANTA TAPUKUYKUNA

¿Imaynapin casarasqakuna kusisqa kawsankuman?

Bibliapi yuyaychaykunaqa casarasqakunatan yanapan kusisqa kawsanankupaq, ¿imarayku? Chay yuyaychaykuna casarakuyta paqarichiq Jehová Diospa kasqanrayku. Bibliaqa yanapawanchismi munakuq sumaq sonqo kanapaq, chaykunaqa kusapunin casarasqakuna allinta kawsanankupaq, willallantaqmi imakunas sumaq kawsayta chinkachisqanta, yanapantaqmi sumaqta rimanakunankupaq (leey Colosenses 3:8-10, 12-14).

Casarasqakunaqa respetanakunankun. Sichus Jehová Diospa nisqanman hina ruwanqaku chayqa kusisqan kawsanqaku (leey Colosenses 3:18, 19).

¿Iman yanapanman kuskalla kawsanankupaq?

Munanakuqtinkuqa kuskallan kawsanqaku. Diosmi yachachiwanchis imayna munanakunanchista. Paypas Churin Jesucristopas sut’itan rikuchirqanku anchatapuni munakuwasqanchista (leey 1 Juan 4:7, 8, 19).

Sichus iskayninkupas casarakuyta qhawarinqaku Diospa regalonta hina chayqa kuskallan kawsanqaku. Diosqa manan munanchu t’aqanakunankuta chhaynapi familiakuna kusisqa kawsanankupaq. Diosqa qharitapas warmitapas yanapanakunankupaqmi kamarqan. Hinaspapas Diospa rikch’ayninman hinan kamasqa kanchis chaymi munanakuyta atinchis (leey Génesis 1:27; 2:18, 24).