INTERNETPI QELQANCHISKUNA Watchtower
Watchtower
INTERNETPI QELQANCHISKUNA
quechua (Cusco)
  • BIBLIA
  • QELQAKUNA
  • JUÑUNAKUYKUNA
  • w14 1/1 15 página
  • “¡Qhawariy, ñoqan lliw imaymanata mosoqta ruwani!”

Manan kaypaq video kanchu

Pampachaykuway, manan atikushanchu kay videota qhawanaykipaq.

  • “¡Qhawariy, ñoqan lliw imaymanata mosoqta ruwani!”
  • Qhawaq Jehová Diospa Gobiernonmanta Willashan 2014
  • Kaykunatawan qhaway
  • ¿Imaraykun weqe lloqsiwanchis?
    ¡Rikch’ariy! 2014
  • ¿Imatan yachasunman Jesuspa waqasqanmanta?
    Qhawaq Jehová Diospa Gobiernonmanta Willashan (estudianapaq) 2022
  • Jehová Diosqa rikushanmi weqenchiskunata
    Qhawaq Jehová Diospa Gobiernonmanta Willashan (estudianapaq) 2024
  • ¿Ima bendicionkunan kanqa Diosta kasukuq runakunapaq?
    Diosta uyarispaqa wiñaypaqmi kawsanki
Astawan rikunaykipaq
Qhawaq Jehová Diospa Gobiernonmanta Willashan 2014
w14 1/1 15 página

DIOSTA ALLINTA REQSIY

“¡Qhawariy, ñoqan lliw imaymanata mosoqta ruwani!”

¿Munawaqchu llapa familiaykiwan wiñaypaq kawsayta mana onqospalla? ¿Munawaqchu nanay, ñakʼariy, wañuypas chinkapunanta? Chaypi yuyaykuyqa manan mosqoyllachu, Diosmi chaytaqa prometewanchis huntʼanqataqmi chay nisqanta. Chaypaq qhawarisun Apocalipsis 21:3-5 textota (leey).

“Diosmi paykunaq ñawinkumanta tukuy weqeta pichanqa” (Apocalipsis 21:4). ¿Ima weqetan pichanqa? Mana ñawinchispi kaq weqetachu nitaq kusikuymanta weqetachu, aswanpas llakikuymanta waqasqanchis weqetan. Hinaspapas manan chayllatachu ruwanqa waqachiwaqninchis ñakʼarichiwaqninchis kaqkunatan chinkachinqa.

“Manan wañuypas kanqañachu” (Apocalipsis 21:4). Wañuy kasqanwanmi astawanqa waqanchis. Jehová Diosmi ichaqa kasukuq runakunata wañuymanta kacharichinqa. ¿Imaynatan chayta ruwanqa? Huchata chinkachispa chay hucha kasqanraykun wañuyqa kan (Romanos 5:12). Chayta ruwanqa Jesuspa sacrificakusqanwan, hinan runakunaqa chʼuya kawsayman aypanqaku.a Chhaynapin wañuyqa ‘chʼusaqyachisqa’ kanqa (1 Corintios 15:26). Chay qhepamanmi runakunaqa wiñaypaqmi mana onqospa kawsanqaku, chaytapunin Jehová Diosqa munarqan.

“Manallataqmi [...] nanaypas kanqañachu” (Apocalipsis 21:4). ¿Ima nanaykunan chinkapunqa? Sonqopi llakikuykuna cuerponchispi imaymana nanaykunapas, chaykunaqa hucha kasqanraykun paqarirqan anchatataqmi runakunata llakichin.

Pisi tiempollamantan mana waqaspa, mana wañuspa, mana ima nanayniyoq kawsasun. Ichaqa, ¿maypin chay kawsay kanqa? ¿Hanaq pachapichu? Manan. Diospa prometesqan simikuna khaynata qallarin: “Kunanqa runakunawanñan Diosqa tiyan”, nispa; runakunaqa manan hanaq pachapichu tiyanku aswanpas kay Hallpʼapin (Apocalipsis 21:3). Hinaspapas nillantaqmi: “Manañan wañuypas kanqañachu”, nispa. Hanaq pachapiqa manan haykʼaqpas wañuyqa karqanchu kay Hallpʼapin ichaqa yaqa qallariymantapacha karqan. Chaymi Diospa prometewasqanchis paraisoqa kay Hallpʼapi kanqa.

Sinchi llakikuykuna kasqanrayku waqasqanchis weqeta Jehová Dios pichanqa

Jehová Diosqa munanmi chay promesankunapi confiananchista. Chay sumaq bendicionkunamanta willasqan qhepamanmi nirqan: “Qhawariy, ñoqan lliw imaymanata mosoqta ruwani”, nispa. Nillarqantaqmi: “Kay simikunata qelqay, kay simikunaqa cheqaqmi, hapʼipakunapaq hinataqmi kanpas”, nispa (Apocalipsis 21:5). Qantapas familiaykitapas kallpachaykikun chay promesakunamanta yachanaykichispaq, chhaynapin chaskinkichis chay bendicionkunata rikunkichistaqmi Jehová Diospa promesankuna huntʼakusqantapas.

a Jesuspa sacrificakusqanmanta astawan yachayta munanki chayqa ¿Imatapunin Biblia yachachin? nisqa librota qhaway 5 capitulota, chaytaqa Jehová Diospa testigonkunan ruwan.

    Quechua (Cuzco) Qelqakuna (2001-2025)
    Wisq'ay
    Jaykuy
    • quechua (Cusco)
    • Jujman apachiy
    • Imaynatan munanki
    • Copyright © 2025 Watch Tower Bible and Tract Society of Pennsylvania
    • Imatan ruwawaq imatan mana
    • Datoskunata waqaychasqaykumanta
    • Configuración de privacidad
    • JW.ORG
    • Jaykuy
    Jujman apachiy