BIBLIAMANTA TAPUKUYKUNA
¿Imaynatan Jesuspa wañupusqan yanapawanchis?
Diosqa munarqanmi mana onqospa, mana wañuspa kawsananchista. Adanmi ichaqa Diosta mana kasukusqanrayku wiñay kawsayta chinkachirqan. Adanpa wawan kasqanchisrayku wañuyta chaskirqanchis (Romanos 5:8, 12; 6:23). Jehová Diosmi ichaqa Churinta kay Hallp’aman kachamurqan hukmanta wiñay kawsayniyoq kananchispaq (leey Juan 3:16).
Kay pachapi wiñay kawsayniyoq kananchispaqmi Jesusqa wañurqan, ¿imaynatan chay kawsayta yuyaykunki?
Jesuspa wañupusqanwanmi huchanchismanta pichasqa kasunman, wiñay kawsaymanpas aypasunman. Machuyay, onqoy, wañuypas mana kaqtinmi kay pachapi kawsayqa sumaq kanqa, chaytan Biblia willawanchis (leey Isaías 25:8; 33:24; Apocalipsis 21:4, 5).
¿Imaynatan Jesuspa wañupusqanta yuyarinanchis?
Manaraq Jesús wañupushaqtinmi qatikuqninkunata kamachirqan wañupusqanta yuyarinankupaq, ichaqa manan hatun fiestataraqchu ruwananku karqan. Sapa wata Jesuspa wañupusqanta yuyarisqanchismi yanapawasun Jesuspa Jehová Diospa munakuwasqanchista yuyarinapaq (leey Lucas 22:19, 20; 1 Juan 4:9, 10).