BIBLIAMANTA TAPUKUYKUNA
¿Iman yanapasunkiman allin tayta-mama kanaykipaq?
¿Yachachishankichu wawaykita Jehová Diosta munakunanpaq?
Wawakuna sumaqta wiñanankupaqqa tayta-mamakunan munanakuspa respetanakuspa kawsananku (Colosenses 3:14, 19). Chaymantapas yachanankun tayta-mamanku munakusqankuta allinkuna ruwasqankumanta kusikusqankutapas. Jehová Diospunin chayta ruwarqan, churintan nirqan: “Kaymi munakusqay Churiy, paymi anchata kusichiwan”, nispa (leey Mateo 3:17).
Hanaq pacha taytanchisqa uyariwanchismi mañakuqtinchis, yachantaqmi imayna sientekusqanchistapas. Chhaynatan wawaykita uyarinayki (Santiago 1:19). Entiendenaykin imayna sientekusqanta, manataqmi phiñakunaykichu imapipas pantaruqtin (leey Números 11:11, 15).
¿Imaynatan yanapawaq allin runa kananpaq?
Tayta-mamakunaqa churanankupunin wawankunapaq kamachikuykunata (Efesios 6:1). Ichaqa Jehová Dios hinan sut’ita chayta willanayki, willanaykitaqmi mana kasukuqtinqa imakunapi tarikunanta. Chayta ruwaspan rikuchinki munakusqaykita (Génesis 3:3). Hinaspapas manan obliganaykichu kasukunanpaq, aswanmi yachachinayki kasukuyqa allinninpaq kasqanta (leey Isaías 48:18, 19).
Hinaspapas wawaykita yanapay Jehová Diosta munakunanpaq. Diosta munakunqa chayqa, allintan imatapas decidinqa manaña ladoykipi kaqtinpas. Jehová Diosqa ejemplonwanmi yachachiwanchis, qanpas chayta ruway wawaykiwan (leey Deuteronomio 6:5-7; Efesios 4:32; 5:1).