BIBLIAMANTA TAPUKUYKUNA
¿Imaynapin wawayki Diosta munakunman?
Diospa kamasqankunata qhawachispa wawaykita yanapay Diosta munakunanpaq
Wawayki Diosta munakunanpaqqa yachananmi Dios kasqanta munakuyniyoq kasqantapas. Hinaspapas allintan Diosta reqsinan (1 Juan 4:8). Yachananmi imapaq runakunata kamasqanta, imarayku millay kawsayta hinallata qhawasqanta, runakunarayku hamuq tiempopi ima ruwanantapas (leey Filipenses 1:9).
Hinaspapas qanpunin Diosta munakunayki. Dios munakusqaykita rikuspaqa yaqapaschá paykunapas Diosta munakunqaku (leey Deuteronomio 6:5-7; Proverbios 22:6).
¿Imaynatan yanapawaq?
Diospa siminqa ancha atiyniyoqmi (Hebreos 4:12). Chayrayku Bibliawan wawaykiman yachachiy. Chaypaqqa Jesuspa yachachisqanta qatikuwaq. Ñawpaqta tapuy imachus piensasqanta, allinta uyariy kutichisqanta, mana entiendesqantataq sut’inchay (leey Lucas 24:15-19, 27, 32).
Hinaspapas Bibliapi tarikuq willakuykunatan wawaykiman yachachiwaq. Chay willakuykunapin rikukun imaynata munakuq Diosninchis runakunata qhawarisqanta. Chaykunamanta wawaykikuna yachaspan Diosta astawan munakunqaku. Internetpi www.pr2711.com/quz nisqapin tarikun wawaykita yachachinaykipaq yanapaykuna (leey 2 Timoteo 3:16).