QALLARIYPI KAQ | ¿PIKUNAN KANKU JEHOVÁ DIOSPA TESTIGONKUNA?
¿Imaraykun predicayku?
Yaqa llapa runakunan yachanku predicasqaykuta. Predicaykun wasin-wasinta, callekunapi, maypichus runakunaq kasqanpipas. ¿Imaraykun predicayku?
Chaytaqa ruwayku Diospa sutinta hukkunaman willanaykupaqmi, Diosta hatunchanaykupaq ima (Hebreos 13:15). Chaymantapas Jesuspa kamachisqantan kasukushayku, paymi kamachirqan: “Llapa suyu runakunata yachachimuychis, yachachisqaykuna kanankupaq [...]. Qankunaman lliw kamachisqaykunata paykunaman yachachimuychis”, nispa (Mateo 28:19, 20).
Hinaspapas runamasiykuta munakusqaykuraykun predicayku (Mateo 22:39). Askha runakunan religionniyoq kanku, chaymi mana uyarikuyta munankuchu. Chhaynaña kaqtinpas ñoqaykuqa yachaykun Bibliamanta yachachikuykunata uyarispaqa salvakunankuta. Chayraykun ‘yachachishallaykupuni Jesusqa Cristo kasqanmanta allin willakuykunata’. Chaytan ruwarqanku Jesuspa tiemponpi cristianokunapas (Hechos 5:41, 42).
Sociólogo Antonio Cova Maduro runan nin: “Jehová Diospa testigonkunaqa wañuy-kawsayraqmi kallpachakunku Bibliamanta yachachikuykunata kay pachaq k’uchunkamaraq chayachinankupaq”, nispa (El Universal periodicopi, Venezuela)
Qelqakuna ruwasqaykutaqa millonninpi runakunan leenku, ichaqa manan Testigochu kanku. Millonninpi runakunamanmi Bibliamanta yachachiyku, paykunaqa huk religionkunamantan kanku, kusikunkutaqmi Bibliamanta yachachisqaykuwan.
Yaqapaschá ñoqaykumanta astawan yachayta munashanki. Chaypaqqa kaykunatan ruwawaq:
Huk Testigota tapukuy.
Internetpi direccionniykuman haykuy, jw.org.
Huñunakuyniykuman hamuy.Gratisllan, pipas hamunmanmi.