¿Servinraqchu Biblia kay tiempopaq?

WAKINQA “MANAN” NINKUN. Juj doctorpa nisqanman jina, vidanchispi yanapachikunapaq Bibliata utilizayqa 1920 watamanta Química librota utilizay jinas kanman. Bibliapi mana creeqkunaqa yaqapaschá tapusunkikuman: “¿Leewaqchu antiguo manualta mosoq computadorata imayna utilizayta yachanaykipaq?”, nispa. Wakinqa chhaynatan piensanku.

¿Imaraykutaq pipas yanapayta maskhanman nishu antiguo libropi, kay tiempopi tecnología kashaqtin? Astawanqa internetpin askha actualizasqa información kashan consejokuna ima. Televisionpi programakunapas experienciayoq psicologokunaq consejasqantan willanku, religionpi maestrokunaq yachachisqanta , escritorkunaq qelqasqantapas. Libro publicaqkunataq askhanpi librokunata orqomunku, chaywan yanapachikunapaq; chaywanmi askha millón qolqeta gananku.

Askha informaciontaq kashan chayqa, ¿imapaqtaq Bibliata consultasunman antiguo kashaqtin? ¿Razontachu Bibliata mana respetaq runakuna nishankuman nishu antiguo kasqanrayku manaña servipunanpaq? Química librowan antiguo computadorawan comparasqankuqa manan allinchu. Cienciawan tecnologiawanqa cambiashallanmi, ¿runakunaq imakunachus necesitasqanri cambianchu? Runakunaqa munashallankun kusisqa kayta, seguro sientekuyta, familiankuwan sumaqta kausayta, allin amigokunayoq kaytapas.

Bibliaqa nishu antiguo libroña chaypas willanmi chay temakunamanta jujkunamantapas. Chaymantapas willanmi kamaqninchispa yuyaychasqan kasqanta. Vidanchispi tukuy imapi yanapawaqninchis consejokunan kashan, chaykunan yanapawanchis sasachakuykunapi tarikuqtinchis (2 Timoteo 3:16, 17). Consejonkunaqa wiñaypaqmi manan jayk’aqpas mana serviqmanqa tukunmanchu. Biblia kikinmi nin: “Diospa siminqa kausashaqmi”, nispa (Hebreos 4:12).

¿Cheqaqtachu chaykunamanta willan? ¿Manañachu Biblia servipun icha aswan allin librochu? Kay Qhawaq revistaqa yanapasunkin respuestata tarinaykipaq.