Tiempollanpi espiritual mikhuna
1. ¿Imaynatan kunan cumplekushan Ezequiel 36:29 nisqan?
1 “Granota wakyaspan askhayachisaq, manañan qankunapaq yarqay kanqachu”, ninmi kamachikuq Jehová (Eze. 36:29). Kay palabrakunaqa allintan tupan kunan p’unchaypi Diospa llaqtanwan. Rikch’anachiywan rimaspan nisunman, Jehovaqa askhata qoshan llaqtanman allinninpaq mikhunata, nispa. Chaytan rikunchis asambleakunapi necesitasqanchisman hina espiritual mikhuna qowasqanchispi.
2. ¿Imaynatan Jehová qoran distrito asambleakunapi necesitasqaman hina tiempollanpi espiritual mikhunata?
2 Columbus llaqtapi (Ohio, EE.UU.) 1931 watapi asambleapin, Jehovaqa serviqninkunaman mosoq sutita qoran: Jehovaq testigonkuna, nisqa sutita (Isa. 43:10-12). 1935 watapin allinta reqsiranku Revelación 7:9-17 nisqan mana yupay atina runakunata. 1942 watapin hermanonchis Knorr qoran kay discursota “Thak... ¿duranqachu?”. Chay conferencian allinta kallpacharan mundontinpi astawan predicanapaq chaymi yanaparan Escuela Bíblica de Galaad de la Watchtower, nisqaq qallarinanpaqpas. Wakin asamableakuna mana qonqay atina kaqtinpas, llapanmi qowanchis necesitasqanchis tiempopi espiritualpi allin mikhunata (Sal. 23:5; Mat. 24:45).
3. ¿Imatan ruwananchis distrito asambleapi espiritual banqueteta aprovechananchispaq?
3 ¿Allintachu alimentakunchis? Askhaña mikhuna kaqtinpas tullullañan kasunman mikhunapaq mana kallpachakuspaqa (Pro. 26:15). Chhaynallataqmi espiritualpipas. Wakin asambleakunapin, rikunchis askha hermanokunata pasillokunapi puriqta otaq asamblea horapi hukkunawan rimaqtapas. Allinmi asambleakunapi hermanonchiswan kallpachanakuyqa, manan ichaqa asamblea horatachu rimana, chaytaqa ruwasun asamblea tukuqtinmi otaq manaraq qallarishaqtinpas (Ecl. 3:1, 7). Sichus asamblea horapi mana, tiyaspachu uyarisun chayqa, importante puntokunatan mana uyarisunchu. Sapanka departamentopi encargasqa hermanokunapas otaq asambleapaq llank’aq hermanokunapas imamantapas urgente rimananku kanman chayqa rimankumanmi. Mana urgente kaqtinqa allin ejemplotan churananku atencionwan programata uyarispa. Manan mayqenninchispas ima partetapas Diospa qowasqanchis espiritual mikhunanchistaqa pierdekunanchischu (1 Cor. 10:12; Fili. 2:12).
4. ¿Imaynatan agradecido kasqanchista rikuchiswan Jehovaq qowasqanchismanta?
4 ¡Anchatan kusichiwanchis Jehovaq qowasqanchis espiritual cheqaqkunaqa, manan cristiandadpi pantasqa yachachiykuna hinachu! (Isa. 65:13, 14.) ‘Agradecido kasqanchistaqa rikuchisun’ asambleakunapi Jehovaq yachachiwasqanchista hina rikuspan (Col. 3:15). Atencionwan uyarisun discursokunata, “Sumaq Yachachiqninchispa” yachachisqanta hina, ama rimaqpa yachachisqanta hinachu (Isa. 30:20, 21; 54:13). Tukuy atencionwan uyarisun, principal puntokunatapas anotasun chaytataq sapa ch’isin repasasun programapi allinninkunata yuyananchispaq. Chaymantaqa yachasqanchista kasukusun.
5. Kusikunapaq ¿ima razonkunatan qowanchis distrito asambleanchiskuna?
5 Manaraq Armagedón chayamushaqtin llapan asambleanchiskunan —pakakuqkunaq tiyasqanpi kaqpas, guerraq kasqan nacionpi kaqpas, otaq mana problemaq kasqanpi hatun asambleakunapas— rikuchin Satanasta vencesqanchista. Mundontinpi wayqepanantin kasqanchisraykun sumaqta rikunchis distrito asambleakunapi huñunakusqanchista (Eze. 36:38). Seguron kanchis, kunanpas “tiempollanpi espiritual mikhunata” munakuyninpi Jehová Diospa qowananchismanta (Luc. 12:42).
[4 paginapi recuadro]
Sumaqta chaskikusun Jehovaq qowasqanchista
◼ Atencionwan uyarisun
◼ Anotasun importante puntokunata
◼ Sapa ch’isin repasasun programapi importante puntokunata
◼ Kasukusun yachasqanchista