Kallpachaq música
1 Musicapas takipas ancha importanten cheqaq adoracionpiqa. Ñawpa tiempo Israelpin Asafpas wayqenkunapas takiranku: “¡Jehovaman graciasta qoychis [...]! Paypaq takiychis, sumaqta tocaychis, imaymana ruwasqanpi anchata interesakuychis”, nispa. (1 Cró. 16:8, 9). Kunanpas llapanchismi Jehovapaq takinchis congregacionpi sapa semana huñunakuspa (Efe. 5:19). ¿Manachu chay takikuna yanapawanchis paypa sutinta alabananchispaq? (Sal. 69:30.)
2 Reinopaq Musicaqa, Reinopaq takikunata orquestawan grabasqankun, chay musicaqa yuyayninchistan hunt’achin espiritual piensaykunawan. “Musicata uyarispaqa, chay takiq letrankunatan yuyarini —niranmi huk hermananchis—. Arí, ¡chay musicata uyarispaqa Jehovapin piensanchis!” (Fili. 4:8.)
3 Hayk’aqmi uyariswan. Reinopaq musicata wasipi uyariyqa espiritual cosaskunatan yuyarichin chaymi yanapan familiapi thak kawsay kananpaq. “Kay [musicatan] churayku yapa yapamanta wasipipas carropipas, manan hayk’aqpas amikuykuchu kay sumaq musicamanta —nispan qelqaran huk familia—. Reinopaq musicaqa yanapawankun yuyayniykupi tranquilo kanaykupaq chaymi mana sasachu reunionkunapaq alistakuypas otaq asambleaman riypas.” Huk hermanan kayta niran: “Wasipi imapas ruwanay ratokuna uyariqtiymi kallpachawan... ¡chay musicata uyarispan ñoqaqa kusisqa chayllaraq t’aqsasqa p’achayta doblani! Decidikunin desanimasqa kaspay kay música uyarinaypaq. ¡Anchatan kallpachawan! [...] Llapanmi Reinomanta takikunaqa kusichiwan”. ¿Ima ratokunapin yanapasunkiman chhayna kallpachaq música?
4 Kay tiempopi musicaqa yaqa llapanmi mundopi ruwaykunaman kallpachan. Taytamamakunan wawankuman allin musicata gustachinanku Reinopaq musicata sapa kutin uyarichispa. Biblia estudiaqkunapas, chayllaraq interesakuqkunapas kusikunqakun kay sumaq musicata uyarispa, kay musicaqa Jehovatan alaban ñoqanchistataq kallpachawanchis (Sal. 47:1, 2, 6, 7).