Diospaq takikunata huk hinamanta uyarisun

Diosta serviqkunapaqqa, takikunaqa Diospa qosqan sumaq regalon (Sant. 1:17). Chaymi wakin iñiq t’aqakunapiqa, manaraq huñunakuy qallarishaqtin, tukukusqan qhepamanpas chay takikunata churanku. Chayta uyarisqanchisqa thak sientekunapaqmi, yuyayninchistataq preparan Jehová Diosta yupaychanapaq. Chayllaraq chaskisqanchis libropi takikunata uyarisqanchismi yanapawasun allinta takinapaq. Hinaspapas huñunakuy tukukusqan qhepaman churasqanku takikunan yanapawanchis hukkunawan sumaqta kallpachanakunapaq. Iñiq t’aqapi umallikunan churananku Jehová Diosman Takisun nisqa takikunata, sapa huñunakuy qallariqtin tukuqtinpas. Ichaqa manan nishu alto volumenpichu churananku, mana hinaqa manan sumaqta parlarinankupaq yanapanqachu.