¿Imaraykun necesitanchis Estudio de Libro de Congregacionta?
1. ¿Imaynatan qallariran Estudio de Libro de Congregación?
1 Estudiantes de la Biblia nispan ñawpaqqa suticharanku Jehovaq testigonkunata, paykunan 1895 watapiqa Biblia estudianankupaq huñunakusqankuta suticharanku Círculos de la Aurora para Estudios Bíblicos, nispa. Chay huñunakuykunapin estudiaranku Millennial Dawn (Waranqa Wata Illariy) nisqa hatun librokunata, chaymantan chay huñunakuypa sutinta cambiasqaku Círculos Bereanos para Estudios Bíblicos, nisqaman (Hech. 17:11). Pisillan huñunakuranku llapankuq atisqan ch’isita mayqen hermanoq wasinpipas. Kay huñunakuykunan ñanta kichariran kay tiempopi Estudio de Libro de Congregación, nisqa huñunakuyninchispaq.
2. ¿Imaynatan kallpachanakunchis “estudio de libropi”?
2 Kallpachanakuspa yanapanakuy. Estudianapaq grupokuna huch’uylla kasqanraykun, chaypi kaqkunaqa askha kutita comentankuman. Chaymi yanapan “hukkuna hukkunaq iñiyninwan [...] kallpachanakunankupaq” (Rom. 1:12).
3, 4. ¿Imaynatan estudio de libro yanapawanchis servicionchispi?
3 Estudio de libropi superintendenteq yachachisqanta rikuspan yachasun “Diospa palabran allin manejayta” (2 Tim. 2:15). Allinta uyariy estudiasqanchis temapaq textokuna leechisqanta. Estudiasqaykichis qelqa chaypaq hina kaqtinqa, repasotapaschá Bibliallawan ruwanqa. Paypa allin yachachisqanmi yanapawasun servicionchispi yachachisqanchis allinyananpaq (1 Cor. 11:1).
4 Sapa semana yachachispapas, estudio de libropi superintendenteqa kallpachakunmi predicacionpi umallinanpaq. Serviciopaq superintendentewan kuskan ruwanku predicanapaq allin horariokunata. Grupopi kaqkunatan yanapan, allin noticiakunamanta predicaspa, discipulokuna ruwanankupaq Jesuspa kamachisqantapas kasukunankupaq. (Mat. 28:19, 20; 1 Cor. 9:16).
5. ¿Imaynatan estudio de libropi sapankata yanapawasunman?
5 Estudio de libropi superintendenteqa interesakun grupopi hermanokunaq espiritualpi allin kanankupin. Chaypi interesakusqantan rikunchis huñunakuykunapi otaq serviciopi hukkunata acompañasqanpi. Publicadorkunata wasinkupi visitaspan espiritualpi kallpachallantaq. Espiritualpi yanapanata necesitaspaqa manan pipas manchakunanchu estudiopi superintendenteman achhuykuyta (Isa. 32:1, 2).
6. a) ¿Imaynatan kallpacharan wakin nacionpi hermanonchiskunata huch’uy grupokunapi huñunakusqanku? b) ¿Imaynatan qanta yanaparasunki estudio de libro, huñunakuy?
6 Llapanchismi kallpachanakunchis. Diospa llaqtanpa ruwananta prohibisqanku nacionkunapi hermanokunaqa, aswan huch’uy grupokunallapin huñunakunku. Huk hermanon yuyarin: “Hark’awarankuña Diosta servinaykuta chaypas, atiraykupunin sapa semana huñunakuyta chunka otaq chunka pisqayoq hermanokuna. Biblia estudiasqaykupas, tukusqayku qhepaman parlarikusqaykupas anchatan kallpachawaranku espiritualpi. Experienciaykuta willanakuspan, yachayku sapankaykupas kaq ñak’ariykunata aguantasqaykuta” (1 Ped. 5:9). Ñoqanchispas chhaynatan kallpachanakuswan Estudio de Libro de Congregacionman mana faltakuspaqa (Efe. 4:16).