Respetananchismi Jehovaq kamachisqanta
¿Imatan yuyarichisunki ñawpa tiempopi Coré, Datán, Abiran sutikuna? Contrapi churakuspa hatarisqatachá. ¿Yuyashankichu piqpa contranpin churakuranku? Diospa kamachisqan contrapin. Kaykunamantan willan Biblia Números libropi 16 capitulopi, 2002 watapi 1 de agosto Atalayapas kaymantaqa explicaranmi “Sumisión leal a la autoridad divina” nisqa temapi. Chayrayku manaraq kay videota qhawashaspa leesun kay revistaq willasqanta chaymi, Respetemos la autoridad de Jehová nisqa allin yachachiq videota qhawaspaqa allinta entiendesun. Kaypin rikunki Diosta kasukuq churinkuna, mana kasukuq taytanku Corewan mana tupasqanta, Coreqa Jehová Diospa Kamachinanpaq derechonpa contranpin churakuran (Núm. 26:9-11). Kay dramapi rikusqanchisqa cheqaqtan sucederan, llapanchistan kallpachawananchis astawanraq Jehová Diosta munakunanchispaq.
Videota qhawaspaykiqa, allinta reparay mana kasukuq Corepas compañeronkunapas imaynata Diospa contranpi churakusqankuta: 1) ¿Imaynatan rikuchiranku Diospa kamachisqanta mana respetasqankuta? 2) ¿Imaynatan atipachikuranku orgullowan, ambicioso kaywan, celoso kaywanpas? 3) ¿Imaynapin Jehovaq nombrasqan runakunaq pantasqallanta rikuranku? 4) ¿Imamantan quejakuranku? 5) ¿Imaraykun mana contentakurankuchu Diospa kamachisqanwan? 6) ¿Imaynatan familiankuwan allinpi kayta ñawpaqman churaranku Diosta kasukunankumantaqa?
Imaynatan kay drama kunan p’unchay sapankanchista yanapawanchis Diospa kamachisqanta kasukunapaq: 1) ¿Imaynatan rikuna congregacionpi ancianokunaq decidisqanta, imaraykun chayta ruwana? 2) ¿Imaynatan chinkachiswan sonqonchispi mana allin piensaykuna rikhuriqtin? 3) ¿Imaynatan rikunanchis umalliwananchispaq churasqa runakunaq pantasqanta? 4) ¿Imatan ruwananchis sonqonchispi quejakuy qallariqtin? 5) ¿Imaynan sientekunanchis ima privilegiotapas chaskispa? 6) ¿Pikunatan mana hayk’aqpas Diosmanta aswanta munakunachu, hayk’aqmi kay ñoqanchispaq sasa kanman?
Congregacionpi kaykuna yachasqayki qhepaman, ¿rikuwaqchu hukmanta kay videota? Chhaynapin mana hayk’aqpas qonqankichu Jehovaq kamachisqan respetanaykita. (Sal. 18:25; 37:28).