¿Yanapaswanchu?
1 Jehovaqa munanmi tukuy sonqowan serviqninkuna yanapayta (2 Cró. 16:9; Isa. 41:10, 13). Munakuywan michiqmanmi Isaiasqa rikch’anachiran kayta nispa: “Uñakunatan marq’an, chaykunatan oqllakun, sumaqllatan qholla uñayoqkunata michin”, nispa (Isa. 40:11). Qhawarisun runakunapi munakuywan Jehovaq interesakusqanta hinaspa kallpachakusun pay hina kananchispaq.
2 Mosoqkunata yanapasun. Espiritual yachaykunapi wiñanankupaqmi mosoqkunata yanapasunman wasinchisman invitaspa (Pro. 13:20). Huk hermanon willan congregacionwan huñunakuyta qallarishaqtin imayna yanapasqankuta, kayta nispa: “Mayninpiqa, huk familian wasinman wakyariwaq familiantin Bibliata estudiaqtinku. Espiritualpi wiñashaqtiymi, warmi qhari precursorkuna, invitawaqku paykunawan kuska ch’isiyaq predicanaypaq. Anchatan kusikuq kayku espiritual cosaskuna rimasqaykuwan. Manaraq cristiano kashaspaqa, kusikuyta maskhaspan wasiymanta lloqsiq kani viernes ch’isinpas, sábado ch’isinpas. Chaymantan ichaqa wayqe panakunawan huñunakuspa manaña maskhanichu huk runakunata”, nispa. Congregacionpi wayqe panakunaq munakuywan interesakusqanmi kay wayqeta yanapan iñiyninpi qaqa takyananpaq, kunanqa Betelpin Jehovata servishan (Col. 2:6, 7).
3 Yanapanakusun. Reparanchispaschá sasa problemakunapi tarikuspa wayqe pananchiskunaq yanapana necesitasqanta. ¿Atiswanchu onqosqa wayqe panawan telefonopi predicayta? ¿Pusasunmanchu estudianteta onqosqa wayqe panaq wasinman estudionchispi yanapawananchispaq? ¿Yanapasunmanchu huch’uy wawa cuidayta taytanpas mamanpas predicaq rinankama? ¿Yanapasunmanchu manchali wayqe pananchiskunata revisita ruwaypi, estudio qoypi, otaq predicacionpipas? Munakuywan paykunapi interesakuymi kallpachawasun espiritualpi wiñanankupaq yanapaypi (Rom. 14:19).
4 Jehová Dios hina ñoqanchispas wayqe pananchiskunapi munakuywan interesakusun chayqa kallpachanakusunmi, yanapasunmi munakuypi congregacionpa hukllachakunanpaq, hatunchasuntaq Hanaq pachapi Taytanchistapas (Efe. 4:16).