Tapuykuna

◼ ¿Imaynatan ruwana congregacionpi kamachikunata?

Jehová Diospa llaqtanpi congregacionpa imapas allin ruwasqanqa llapanchispa kallpachakusqanchismi (1 Cor. 14:33, 40). Piensay huk huñunakuyllapaq congregacionpi imaymana arreglokuna ruwakusqanpi. Kanmi arreglokuna programapi discursokunapaq, huñunakuy manaraq qallarishaqtinpas, huñunakuy tukuqtinpas, chaykunapaqmi llank’anku chaypaq asignasqa wayqe panakuna. Importantellataqmi hukkunaq mana rikusqan ruwaykunapas. ¿Imaynatan kay ruwaykunapi yanapaswan?

Ofrecekuy yanapanaykipaq. Yanapay munaqkunapaqqa askhan ruwana (Sal. 110:3). Yanapariy onqosqakunata, yuyaqkunata. Salón del Reino pichaytapas. Askhatan ruwasunman mana piqpa mañasqallan. Chaypaqqa yanapaytan munananchis.

Mana hatunchakuspa serviy. Mana hatunchakuqkunaqa munankun hukkuna serviyta (Luc. 9:48). Mana hatunchakuqkunaqa manan chaskinkuchu mana ruway atinanku ruwaykunata. Manataqmi hukkunatapas abusankuchu. (Pro. 11:2).

Confianapaq hina kay. Moisestan Jehová kallpacharan Israelpi kamachi ruwanankupaq “mana llulla [“confianapaq hina”, NM] qharikunata” akllananpaq. (Éxo. 18:21). Chhayna runakunallataqmi kay tiempopipas necesitakun. Chayrayku, allinta ruway ima kamachisqatapas (Luc. 16:10). Ima kamachitapas mana ruwayta atispaqa, hukman chayta encargay qanpa rantiykita ruwananpaq.

Allinta ruway. Cristianokunaqa tukuy sonqowanmi llank’ananku huk runakunapaq llank’aspapas (Col. 3:22-24). Chayraykun, astawanraq kallpachakunanchis Dios adoranapaq llank’aspaqa. Huch’uyllaña ruwana kaqtinpas, congregacionqa beneficiakunmi allin ruwasqawan.

Imapas ruwanapaq kamachisqa kasqanchiswanmi rikuchiswan Jehovatapas, wayqe pananchiskunatapas munakusqanchista. (Mat. 22:37-39). Chayrayku, ima ruwanapaqpas kamachisqa kaspaqa tukuy sonqonchiswan ruwasun.