Diosta servinankupaq hina estudiota qosun
Kinsa kaq parte: Bibliawan allinta yanapasun
1. ¿Imaraykun Bibliawan yanapachikunanchis Bibliamanta yachachispa?
1 Bibliamantaqa yachachinchis Jesuspa “discipulon kanankupaqmi”, chaytaqa ruwasun Diospa Palabranpa yachachisqanta allinta entiendespa kasukuqtinkun (Mat. 28:19, 20, NM; 1 Tes. 2:13). Chayraykun Bibliamanta yachachinanchis. Qallariypiqa allinmi kanman estudiantekunaq Biblianpi textokuna maskhanankupaq yachachiy. ¿Imaynatan Bibliawan yanapaswan espiritualpi wiñanankupaq?
2. ¿Imaynatan decidisun ima textokuna leenapaqpas analizanapaqpas?
2 Akllay leenayki textokunata. Estudiopaq preparakuspaqa, allinta qhawariy estudiasqayki tema sapanka textowan imayna tupasqanta, chaymantataq akllay estudiaqtiykichis mayqen texto leenaykichista. Aswan allinqa creesqanchis temakuna rikuchiq textokuna leeymi. Manapaschá leewaqchu wakin textokunataqa. Sapanka estudianteq necesitasqanman hina yanapay.
3. ¿Imaynatan yanapan tapuykuna, imaynatan tapuna?
3 Tapuy estudianteta. Textokunata qan kikiyki explicanaykitaqa, estudiantewan qan explicachikuy. Chaytaqa ruwanki texto leesqaykichismanta paypa entiendesqanta tapuspan. Leesqaykichis texto fácil entiendena kaqtinqa, tapuriy parrafoq nisqanwan chay textoq imayna tupasqanta. Mayninpiqa kutichinanpaq hina tapuna otaq askha tapuykunatapas tapuna Bibliaq nisqanman hina estudiante entiendenanpaq. Allin entiendenanpaq hina astawan explicana kaqtinqa, estudianteq kutichisqan qhepataña explicay.
4. ¿Imakunatan explicananchis leesqanchis textokunamanta?
4 Entiendenanpaq hina yachachiy. Flechata allin manejaq runaqa ch’ulla flechallawanmi hap’ichin imapas munasqanta. Chhaynan allin yachachiqpas, manan askhatachu riman imapas entiendechinanpaq. Fácil entiendenanpaq hinan pisillata riman. Mayninpiqa qelqanchiskunapipaschá maskhanayki kanqa Bibliapi huk textota allinta explicanaykipaq (2 Tim. 2:15). Ama ichaqa textopi sapanka palabrakunatachu explicay. Estudiasqaykichis tema yanapaq palabrallata allinta entiendechiy.
5, 6. ¿Imaynatan estudiantekunata yanapaswan Diospa Palabranmanta yachasqankuta kasukunankupaq, imatan ichaqa mana ruwananchischu?
5 Imaynatan yanapana yachasqanta kasukunanpaq. Atikusqanman hina estudianteta yanapay Bibliapi textokuna kawsayninwan imayna tupasqanta. Ejemplopaq, huñunakuykunaman manaraq riq estudiantewan Hebreos 10:24, 25 versiculokunata leespaqa, willariwaqmi huknin huñunakuymanta hinaspan invitawaq rinanpaq. Ama ichaqa obligaychu rinanpaq, aswanqa Bibliawan yanapay Jehovata kusichiyta munaspan pay kikin kallpachakunanpaq (Heb. 4:12).
6 Bibliawan allinta yachachispan huk runakunata yanapasun Diospi ‘iñispa kasukuspa’ Jesuspa discipulon kanankupaq (Rom. 16:26).