Pisqa kaq parte: Hayk’atan estudiachina
Diosta servinankupaq hina estudiota qosun
1 Jesusqa yacharanmi discipulonkunaq hayk’a entiendesqanta, chaymi payqa ‘entiendey atisqankuman hinalla’ yachachiran (Mar. 4:33; Juan 16:12). Kunanpas Diospa Simin yachachiqkunaqa reparanankun maykama yachachinankuta. Estudiantepas, yachachiqpas atisqankuman hinallan estudiananku.
2 Qallariymantapacha iñiyninta allinta takyachisun. Wakin estudiantekunaqa iskay kinsa kutipin entiendenkuman hukkunaq ch’ulla kutillapi entiendesqanta. Manan usqhayllachu estudiachinanchis, Diospa Siminpi chayllaraq iñisqanta allinta kallpachananchisraykun, entiendesqanman hinalla yachachinanchis (Pro. 4:7; Rom. 12:2).
3 Estudianteta yanapananchispaq sapa semana tiempota orqosun, chaymi yachasqanta allinta entiendenqa, Diospa Simintapas sonqonpi hap’inqa. Ama apurayllachu estudiachisun, manan allintachu entiendenman Bibliapi cheqaqkuna yachachisqanchista. Tiempota qokusun importante puntokunata allinta entiendechinanchispaq, estudiasqanchis temamanta rimaq textokunata Bibliapi leenanchispaqpas (2 Tim. 3:16, 17).
4 Estudiasqanchis temallamanta rimasun. Allillamanta yachachisun chaypas manan huk temakunamantachu rimananchis. Sichus estudiante vidanmanta askhata riman chayqa, estudiayta tukuspaña chaymanta rimasun niswanmi (Ecl. 3:1).
5 Bibliapi cheqaqmanta yachachiyta munaspan ñoqanchispas mayninpiqa sinchita rimaswan (Sal. 145:6, 7). Estudiachispaqa willasunmanmi experienciakunatapas, yanapaq huk temakunatapas, manan ichaqa sinchi askhatachu nitaq unaytachu willana, pantachinmanmi Bibliamanta yachasqanta.
6 Entiendesqankuman hina sapanka estudiopi yachachisun chayqa, yanapanqan estudiantekunata Jehová ‘Diospa k’anchayninpi purinankupaq’ (Isa. 2:5).