Día especial asambleapaq mosoq programa

Ñawiqa ancha musphana ruwasqa (Sal. 139:14). Hinaña kaqtinpas, qhawaspaqa hukllata rikuyta atin. Aycha ñawinchispipas, espiritual ñawinchispipas chhaynallataqmi. Espiritual ñawinchis ch’uya kananpaq, hukllata qhawananpaqpas, allinta yuyayninchista kichananchis Diospa munayninta ruwanapaq. Ñataq kay Saqraq pachapi sapa p’unchay yapakushan iskayachiq ruwaykuna chayqa, allinpuni kanqa 2006 servicio watapi día especial asambleapaq temaqa: “Allin ñawiyoq kawsasun” (Mat. 6:22).

¿Imatan ruwasunman Jehová Dios saminchawananchispaq? (Pro. 10:22.) Kay tapuyta kutichikunqa “Allinkunata chaskisun allin ñawiyoq kawsaspa” discursopi, entrevistakunapitaq rikuchikunqa ima allinkunata chaskisunman Bibliaq kamachikusqanta kasukuspa. Visitaq wayqenchispa (orador visitante) ñawpaq kaq discursonqa sutichakun: “Allin ñawiyoq kawsasun kay millay pachapi”; chaypin willawasunchis imakunan kawsayninchista sasachanman, pisi pisillamantataq espiritual kayninchista naq’echinman. Yachachiwallasunchistaq imata ruwananchis ‘allinkaqta’ akllakunanchispaq (Luc. 10:42).

¿Imaynatan taytamamakuna, kuraqkunapas waynasipaskunata kallpachankuman espiritual aypanakunata churakunankupaq? Imatachus ninku taytamamakunapas waynasipaskunapas kay tapuymanta, chayta uyarisun kay discursokunapi: “Taytamamakuna, wach’iykichiskunata allinta wach’iychis”, “Waynasipaskuna, kallpachakuychis espiritual aypanakunata aypanaykichispaq” ima (Sal. 127:4). Visitaq wayqenchispa qhepa kaq discursonpi, qhawachiwasunchis imaynata Jehováq kamachisqa llaqtanpa purisqanman hina purisunman sapankanchis, familianchiswan, congregacionchispiwan.

Chayllaraqchus otaq unayña Jehová Diosta servishanki chaypas, ancha chaniyoqmi ‘allin ñawiyoq kawsayqa’. Día especial asambleapaq programaqa yanapawasunmi chayta ruwananchispaq.