Allin ñawiyoq kasun
1. ¿Iman allin ñawiyoq kay, imaraykun allin?
1 Orqo patapi rimashaspan Jesusqa rikuchiran espiritual kawsayninchispi ñawiq kallpachasqanta, mana allinman tanqasqantapas. Jesusmi niran: “Ñawiqa lámpara hinan cuerpota k’anchan, chaymi ñawiyki allin kaqtinqa lliw cuerpoykipas allin k’anchayniyoq kanqa. Ñawiyki mana allin kaqtinqa lliw cuerpoykipas tutayaqllataqmi kanqa,” nispa. (Mat. 6:22, 23.) Allin ñawiqa Diospa munaynin ruwanantan allinta qhawan manan pantachikunchu imaymanawan qhapaqyaypi piensaspa. (Mat. 6:19-21, 24-33). ¿Imaynatan allin ñawiyoq kasunman?
2. ¿Ima niwanchismi Biblia imaymanawan qhapaqyaymanta?
2 Contentakuyta yachasun. Familianchispa imapas necesitasqan qonapaq llank’ayqa Diospa kamachisqanmi (1 Tim. 5:8). Manan ichaqa imaymanata aswan allinta otaq aswan mosoqtapas rantinapaq qolqe maskhayllapichu afanakusun. (Pro. 27:20; 30:8, 9). Biblian kallpachawanchis “mikhunanchispaqpas, p’achakunanchispaqpas kashaqtinqa”, chaykunawan contentakunanchispaq, chaykunatan necesitanchis kawsananchispaq (1 Tim. 6:8; Heb. 13:5, 6). Kay consejota kasukuspaqa allin ñawiyoqmi kasun, chaymi yanapawasun ima ruwananchista reparananchispaq.
3. ¿Iman yanapawasun mana atipachikunanchispaq?
3 Manan allinchu manuwan atipachikuyqa nitaq mana necesitasqanchiskuna rantiypas, manataqmi qallarinachu mana hayk’aq tukukuq ruwaykunatapas tiemponchistapas kallpanchistapas sinchita usuchiqtinqa (1 Tim. 6:9, 10). ¿Iman chaypaq yanapawasunman? Oracionta ruwaspan allinta tanteananchis imapas ruway munasqanchista, mayninpiqa manapasmi tiemponchis kanmanchu espiritual ruwayninchiskunapaq. Espiritual ruwaykunatapunin ñawpaqpiqa churananchis (Fili. 1:10; 4:6, 7).
4. ¿Imaraykun pisi qolqellawan kawsayta yachananchis?
4 Pisi qolqellawan kawsayta yachasun. Qolqe munakuypi mana urmananchispaqqa yachananchismi pisi qolqellawan kawsayta. Pisi qolqellawan familianpa allin kawsasqanta reparaspan huk hermanonchis kayta nin: “Kunanqa atinin congregacionpi wayqe panaykuna serviyta. Seguron kani Jehovaq yanapasqanmanta, Payqa askhatan saminchan payta servinankupaq paykunaq munasqanta qhepaman churaqkunata.” ¿Chaskiwaqchu qanpas askha saminchaykunata pisi qolqellawan kawsayta yachaspa?
5. ¿Imaraykun kallpachakunanchis allin ñawiwan qhawananchispaq?
5 Sapa p’unchaymi kallpachakunanchis Satanaspa tentasqanta atipananchispaq, qolqella munaq runakunawanpas, huchayoq kayninchiswanpas mana atipachikunanchispaq. Mana allinkunata qhawaspa ñawinchiswan pantananchistaqa, allin ñawiwan qhawasun Diospa munaynin ruwananchista, wiñay kawsay suyakusqanchistapas (Pro. 4:25; 2 Cor. 4:18).