¿Imaynata yanapasunman?
1 Chhaynatan tapukunku Jehovaq testigonkuna maypipas ñak’ariykuna kasqanmanta uyarispa. Hechos 11:27-30 textopi willasqan hina, ñawpa siglopi cristianokunapas Judá llaqtapi wayqe-panakunata yanaparankun yarqay kaqtin.
2 Kay tiempopipas Diospa llaqtanpi allichakuykunaman hina, qolqeta apachikun yanapanapaq lloqllakunapi, pacha chhaphchiykunapi, hatun wayrakunapi, otaq runakuna paqarichisqan ima ñak’ariykunapipas tarikuqkunapaq.
3 Ejemplopaq, qayna watan askha wayqe-pananchiskuna yanaparanku qolqeta apachispa, Asiaq suyunkunapi lamar-qocha sinchita phoqchirisqanpi (tsunami) ñak’ariq wayqe-panakunata yanapanankupaq. Ancha agradecesqan kashayku fondo de socorro nisqaman qolqe churasqaykichismanta. Ichaqa huk suyukunapi kamachinku –ñak’ariykunapi tarikuqtinku–, qolqe apachiq munasqanman hinalla yanapanankuta, manan hukpaq chay qolqeta hap’inkumanchu, allichasqanku tiempollapitaqmi chay yanapayta qonanku, hinaña wayqe-pananchiskuna yanapayta mana chaskiqtinkupas.
4 Chay rayku, ñak’ariykunapi kaq wayqe-pananchiskunapaq qolqeta apachiyta munaspaqa, churaychis fondo para la obra mundial, nisqapi. Chay qolqewanmi yanapakun wayqe-pananchiskunata ñak’ariypi tarikuqtinku, espiritualpi necesidadninkutapas. Obra mundial nisqapaq churasqanmanta, pipas sapaqta qolqeta qoyta munan ñak’ariykunapi kaqkunallapaq chayqa, churallachun, chay qolqewanqa maypipas necesitakusqanman hinapunin yanapakunqa. Chaypaq qolqeta apachispaqa, ama hina kaspa, ama willaychischu may llaqtapaq apachisqaykichista, nitaq imata chay qolqewan ruwanatapas.
5 Obra mundial nisqallapaq donacionninchista churasun chayqa, astawanmi yanapasun obra del Reino nisqapi imaymana ruwaykunapaq, manaña ñak’ariypi kaqkunallapaqchu waqaychakunqa. Kay ruwaymi tupan Efesios 4:16 textoq nisqanwan, chaypin kallpachawanchis huk hinalla llank’ananchispaq, ‘llapa cuerpo munakuypi aswan-aswanta wiñanapaq’.