Enseña librota imayna munachinapaq
Kay suplementopi kashan askha qallariy simikuna Enseña librota munachinapaq. Allinta munachinapaqqa rimasqaykiman hina ruway, territorioykipi runakunapaq hina, libropi allin-allinninta estudiay rimayta qallarinaykipaq. Huk qallariy simikuna ruwallawaqtaqmi llank’anaykipaq allin kaqtinqa (qhawariy Reinopaq Servicionchista enero de 2005, 8 paginapi).
Armagedón
◼ “Armagedonmanta uyarispanku askha runakuna yuyanku lliw imapas thunikunanmanta. ¿Yacharankichu aswanpas Armagedonqa sumaq suyakuy kasqanta? [Uyariy kutichisqanta. Chaymanta leey Apocalipsis 16:14, 16 textota.] Qhawariy imaynan kawsay kanqa Armagedón qhepata.” Qhawarichiy 82-84 paginakunata leeytaq 21 parrafota.
Biblia
◼ “Runakunaqa ninku: ‘Bibliaqa Diospa Simin Qelqan, nispa’. ¿Hayk’aqllapas tapukurankichu ima rayku runaq qelqasqan librota Diospa Simin Qelqapaq hap’inku? [Uyariy kutichisqanta. Chaymanta leey 2 Pedro 1:21 textota, 19 paginapi 5 parrafotawan.] Kay qelqan rikuchin imaynatan Biblia kutichin chay tapuykunata.” 6 paginapi tapuykunata qhawarichiy uyariqniykiman.
◼ “Kay p’unchaykunapiqa tarisunmanmi imaymana yachaykunata mana hayk’aqpas tarikusqanta. ¿Maypitaq tarisunman allin consejokunata kusisqa kawsanapaq? [Uyariy kutichisqanta. Chaymanta leey 2 Timoteo 3:16, 17 textota, 22 paginapi 12 parrafotawan.] Kay qelqan yachachiwanchis imaynan kawsayninchis allinninchispaq kanman Diospa munasqanman hina.” Qhawarichiy 122, 123 paginakunapi t’aqasqa yachachiykunata dibujokunatapas.
Llakikuna/ñak’ariykuna
◼ “Llakikuykuna kaqtin runakuna tapukunku: ‘¿Cheqaqtapunichu Dios runakunapi interesakun, reparanchu runaq ñak’arisqantapas?, nispa’. ¿Hayk’aqllapas chay hinata tapukurankichu? [Uyariy kutichisqanta. Chaymanta leey 1 Pedro 5:7 textota, 11 paginapi 11 parrafota.] Kay qelqa willan imaynata Dios tukuchinqa runakunaq ñak’ariyninta.” 106 paginapi qallariy tapuykunata qhawarichiy.
Familia
◼ “Lliwmi munanchis familiapi kusisqa kawsayta. [Uyariy kutichisqanta.] Familia ukhupi kaqkunata Biblian yachachin kayta: kusisqa kawsanankupaqqa Diosman riqch’akunanku munakuypi.” Leey Efesios 5:1, 2 textota, 135 paginapi 4 parrafotawan.
Awqa-tinkuy/thak-kay
◼ “Maypipas runaqa thak-kayta munan. ¿Kay pachapi thak-kay suyakuy musphayllachu kanman? [Uyariy kutichisqanta. Chaymanta leey Salmo 46:8, 9 textota.] Kay qelqan willan imaynatan Diospa munaynin hunt’akunanmanta, imaynatataq thak kawsay kay pachapaq apamunanmantapas.” Qhawarichiy 35 paginapi dibujota, t’aqwiytaq 34 paginapi 17-21 parrafokunata.
Jehová Dios
◼ “Diospi creeq askha runakunan payman astawan achhuykuyta munanku. ¿Yacharankichu Diosman achhuykunapaq Bibliaq invitawasqanchista? [Uyariy kutichisqanta. Chaymanta leey Santiago 4:8a textota, 16 paginapi 20 parrafotawan.] Kay qelqan runakunata yanapan kikinkuq Bibliankuwan Diosta astawan reqsinankupaq.” 8 paginapi qallariy tapuykunata qhawachiy.
◼ “Askha runakunan Diosmanta mañakunku: ‘sutiyki yupaychasqa kachun’, nispa. ¿Hayk’aqllapas tapukurankichu mayqenmi kanman chay suti? [Uyariy kutichisqanta. Chaymanta leey Salmo 83:18, NM 195 paginapi 2, 3 parrafokunatawan.] Kay libron willan imatapunin Biblia yachachin Jehová Diosmanta, runakunapaq munayninmantapas.”
Jesucristo
◼ “Lliw runakunan Jesucristomanta rimanku. Wakinkuna ninku: ‘hukniray allin runallan karan’, nispa. Hukkunataq tukuy atiyniyoq Diosta hina yupaychanku. ¿Importanmanchu imatachus Jesucristomanta creesqanchis?” Uyariy kutichisqanta. Chaymanta leey Juan 17:3 textota, 37 paginapi 3 parrafotawan. Qhawarichiy tituloq uranpi qallariy tapuykunata.
Wañuy/kawsarinpuy
◼ “Askha runakuna tapukunku: ‘¿Maymanmi rinchis wañuspanchis?, nispa’. ¿Atikunmanchu chaymanta yachayta? [Uyariy kutichisqanta. Chaymanta leey Eclesiastés 9:5 textota, 58 paginapi 5, 6 parrafokunatawan.] Kay libro willallantaqmi wañusqakunaq kawsarinpunanpaq Bibliaq prometesqan maytukuy chaniyoq kasqanta.” 75 paginapi dibujokunata qhawarichiy.
◼ “Pipas munasqanchis wañuqtinqa, munanchismi kaqmanta rikuyta, ¿ima niwaqtaq? [Uyariy kutichisqanta.] Askhan sonqochakunku kawsarinpuymanta Bibliaq prometesqanpi [leey Juan 5:28, 29 textota, 72 paginapi 16, 17 parrafokunatawan]. Kay capitulopas kay tapuykunata kutichin.” 66 paginapi qallariy tapuykunata qhawarichiy.
Mañakuy
◼ “¿Diosri kutichinmanchu mañakusqanchista, ima niwaqtaq? [Uyariy kutichisqanta. Chaymanta leey 1 Juan 5:14, 15 textota, 170, 171 paginakunapi 16-18 parrafokunatawan.] Kay capitulopas yachachinmi ima rayku Diosmanta mañakunanchis, imatataq ruwananchis uyariwananchispaq.”
Religión
◼ “Askha runakunan qhawarishankuña religionkunata runakunapaq sasachakuy apamuqta hina, mana allinchaqta hinachu. ¿Qhawarisqaykiman hina religionri allin ñanpichu runakunata purichishan? [Uyariy kutichisqanta. Chaymanta leey Mateo 7:13, 14 textota, 145 paginapi 5 parrafotawan.] Kay capituloqa qhawachin 6 yanapaykunata mayqenchus Diospa chaskisqan religión kasqanta yachanapaq.” 147 paginapi listata qhawachiy.
Wiñay kawsay
◼ “Llapanchismi munanchis qhalilla unay kawsayta. Atikuqtinqa, ¿munawaqchu wiñay kawsayta? [Uyariy kutichisqanta. Chaymanta leey Apocalipsis 21:3, 4 texota, 54 paginapi 17 parrafotawan.] Kay libron willan imaynata wiñay kawsay tarinamanta, imaynatataq kawsasunchis kay promesa cheqanchakuqtin.”
Wasi
◼ “Wakin llaqtakunapiqa sasapuni qolqenchispa aypasqanman hinalla allin wasi rantikuy. ¿Hayk’aqllapas llapallanchis tiyanapaq hina wasiyoq kasunmanchu? [Uyariy kutichisqanta. Chaymanta leey Isaías 65:21, 22 textota, 34 paginapi 20 parrafotawan.] Kay qelqan willan imaynatan Diospa prometesqan hunt’akunanmanta.”
[5 paginapi recuadro]
Donacionta ruwanankupaq imaynata nisunman
“Teqsimuyuntinpi llank’ayniykupaq pisillatapas donación qoyta munanki chayqa, kusikuywanmi chaskisqayki.”
“Kay qelqakunata mana qolqellapaq munachiyku chaypas, chaskillaykun sonqomanta donacionkunata teqsimuyuntinpi llank’ayniyku yanapanapaq.”
“Tapukunkipaschá: ‘¿imaynata kay llank’ay apakun?’, nispa. Teqsimuyuntinpi llank’ayniykuqa sonqomanta donacionkunawanmi puririn. Pisillatapas kunan donayta munanki chayqa, kusikuywanmi chaskisqayki.”
(Perú suyupiqa estudio bíblico ukhullapi kaykunata ruwakunan.)