(1) Tapuy, (2) Bibliapi texto, (3) capitulopiwan
¿Qué enseña realmente la Biblia? librota munachinapaqqa kaykunata ruwasunman: 1) uyariqninchista tapuna imatan nin huk temamanta; 2) leena akllasqa textota; 3) libropi chay temamanta rimaq capitulota maskhana, leenataq tituloq uranpi qallariy tapuykunata. Kay hinata ruwayqa allinpuni qallariy visitapi otaq revisitapi estudio qallarinapaq.
◼ “¿Noqanchis hina runakunalla atinkumanchu tukuy atiyniyoq Diosta reqsiyta Bibliaq kaypi nisqan hina?” Leey Hechos 17:26, 27 textota, uyariytaq kutichisqanta. Chaymanta qhawarichiy 1 capitulota
◼ “Lliw sasachakuyninchiskunawanpas, ¿tarisunmanchu sonqochasqa kayta, suyakuytapas kay textopi nisqan hina?” Leey Romanos 15:4 textota, uyariytaq kutichisqanta. Chaymanta qhawachiy 2 capitulota.
◼ “Atiyniyki kanman chayqa, ¿cheqanchachiwaqchu kay textopi nisqanta?” Leey Apocalipsis 21:4 textota, uyariytaq kutichisqanta. Chaymanta qhawachiy 3 capitulota.
◼ “¿Hayk’aqllapas wawanchiskuna kusisqa kawsankumanchu kay ñawpa takipi nisqan hina?” Leey Salmo 37:10, 11 textota, uyariytaq kutichisqanta. Chaymanta qhawachiy 3 capitulota.
◼ “¿Hayk’aqllapas kay simikuna hunt’akunmanchu?” Leey Isaías 33:24 textota, uyariytaq kutichisqanta. Chaymanta qhawachiy 3 capitulota.
◼ “¿Wañusqakuna yachankumanchu kawsaqkunaq ima ruwasqanta?” Uyariy kutichisqanta. Chaymanta leey Eclesiastés 9:5 textota, qhawachiytaq 6 capitulota.
◼ “¿Munakusqanchis wañusqakunata hayk’aqllapas kaqmanta rikusunmanchu, kay versiculokunapi Jesuspa nisqanman hina?” Leey Juan 5:28, 29 textota, uyariytaq kutichisqanta. Chaymanta qhawachiy 7 capitulota.
◼ “Qhawarisqaykiman hina, ¿imatan ruwakunman Diospa munaynin hanaqpachapi hina kay pachapipas ruwakunanpaq, Jesuspa mañakuyninpi nisqanman hina?” Leey Mateo 6:9, 10 textota uyariytaq kutichisqanta. Chaymanta qhawachiy 8 capitulota.
◼ “¿Qhawarisqaykiman hina kay profecía hunt’akushanmanchu kunan p’unchayninchiskunapi?” Leey 2 Timoteo 3:1-4 textota uyariytaq kutichisqanta. Chaymanta qhawachiy 9 capitulota.
◼ “Askha runakunan tapukunku: ‘¿ima rayku kay pacha aswan-aswanraq mana chanin-kayman chayashan?’, nispa. ¿Manachu kay textopi nisqan hunt’akushanman?” Leey Apocalipsis 12:9 textota uyariytaq kutichisqanta. Chaymanta qhawachiy 10 capitulota.
◼ “¿Hayk’aqllapas kay hina tapuypa kutichiyninta munarankichu?” Leey Job 21:7 textota uyariytaq kutichisqanta. Chaymanta qhawachiy 11 capitulota.
◼ “¿Bibliaq kay nisqanta kasukuspa manachu familianchispi kusisqa kawsasunman?” Leey Efesios 5:33 textota uyariytaq kutichisqanta. Chaymanta qhawachiy 14 capitulota.
Estudio bíblico imayna apakusqanta yachachisqanchismanta iskay kutitaña yachachinki chayqa, qhawariyniykipaqtaq yachachisqayki estudiashallanqa chayqa, yupawaqmi estudiota hina.