¿Imatapunin Biblia yachachin? nisqa librota estudiasun
1 “Cristota qatikusun” nisqa hatun huñunakuypin lloqsimuran ¿Imatapunin Biblia yachachin? nisqa libro. Kay libromantaqa allintan yachananchis, kay librowanmi predicasun estudiokunatapas qallarisun. Chaymi Qelqamanta Yachanapaq Huñunakuypi estudiayta qallarisun 2008 wata 11 febrero killamanta.
2 Qelqamanta Yachanapaq Huñunakuyta umalliqmi estudiota qallarinqa sapanqa capituloq qallariyninpi tapuykunamanta rimaspa. Sapanka capitulota estudiakunqa paginaq uranpi kaq tapuykunaq yanapayninwan, allin yachachikuykunata sut’inchaq textokunatapas leekunqa, willanqakutaq chay textokunamantapas. Capitulopi yachasqanchista yuyarinapaqmi ancha allinpuni kanqa “kaytan Biblia yachachin” nisqa recuadro, chay recuadron kutichishan capituloq qallariyninpi tapuykunata. Chay libropi yachachikuykunaqa entiendenapaq hinallan, chaymi llapa huñunakuyman hamuqkuna kutichiyta munanqaku.
3 Apéndice nisqapin astawan sut’inchakushan wakin yachachikuykunamanta, chayqa allinpuni kanqa estudiantekunapaq chaywanmi aswan allinta entiendenqaku sasa yachachikuykunata. Mayninpiqa chay apéndice nisqapi yachachiykunata Qelqamanta Yachanapaq Huñunakuypi estudiakunqa. Chay huñunakuypi leeqqa apéndice nisqata llapanta leenqa. Askha leenapaq kaqtintaq t’aqanqa. Chay apéndice nisqapi yachachikuykunapaqqa manan kanchu tapuykuna, chayrayku huñunakuyta umalliq tapuykunata allichanan.
4 Qelqamanta Yachanapaq Huñunakuypiqa manan unaytachu kay librota estudiakunqa. Ichaqa manan chayraykuchu usqhaylla Biblia estudiachisqanchiskunawan estudiananchis, paykunaqa manan ñoqanchis hinachu Bibliamanta yachanku (Hech. 26:28, 29). Chaymi paykunamanqa allinta yachachinanchis textokunamanta chay libropi kaq rikch’anachiykunamantapas. Chhaynaqa, amapuni saqesunchu ¿Imatapunin Biblia yachachin? nisqa librota estudianapaq huñunakuyta, kallpachakusuntaq tapuykunata kutichinapaq.