Allinta utilizasun Imatapunin librota

Maypachachus estudiantenchiskuna yachasqankuman hina kawsanku chayqa iñiyninkupin wiñayta qallarinku (Sal. 1:1-3). Sichus allinta utilizasun Imatapunin librota chayqa iñiyninkupi astawan wiñanankupaqmi yanapasun.

Capituloq qallariyninpi tapuykuna. Sapanka capituloq qallariyninpin tapuykuna kan, chaykunataqa chay capitulopin kutichikun. Chay tapuykunataqa yachayta munananpaq hinan tapusunman, amataq kutichinanpaq hinachu. Otaq tapuspa nisunman imatachus piensasqanta willananpaq, yaqapaschá mana allintachu kutichinqa, ichaqa manan chay ratopichu correginanchis. Imatachus kutichisqanta yachaspaqa reparasunmi imatachus aswan allinta explicananchis kanqa chayta (Prov. 16:23; 18:13).

Apéndice. Sichus estudiante allinta entienden huk capitulopi yachachikuyta chayqa, nisunmanmi chay capitulopi apéndice nisqata paylla leenanpaq. Qhepa kutisqanchispitaq tapuykunata ruwasunman llapantachus entienderqan chayta yachanapaq. Necesario kaqtinqa paywan kuskan chay apéndice nisqata estudiasunman llapanta otaq wakillantapas. Parrafokunata leespan tapuykunata ruwasunman preparakusqanchisman hina.

Capituloq qallariyninpi tapuykunaq kutichiynin. Sapanka capituloq tukuyninpin huk recuadro kan, chaypin kashan capituloq qallariypi tapuykunaq kutichiynin. Leeychis tapuykunaq kutichiyninta, chaypi kaq textokunatapas, chaymantataq estudianteta niy chay tapuykunaq kutichiyninta Bibliawan explicananpaq (Hech. 17:2, 3). Chaypin reparanki entienderqanchus chayta, payllamanta explicayta atinmanchus chaytapas.