¿Bibliamanta yachachisqaykikunaq sutinpi hukkunaman rillankichu?
Bibliamanta estudiota qoshanki chayqa, tapuwaqmi yachachisqaykita: ¿Kanchu amigoykikuna familiaykikuna otaq reqsiyqaykikunapas Bibliamanta yachayta munaqkuna?, nispa. Willasunkimanmi wakinpa sutinta. Yachachisqayki munaqtinqa riwaqmi paykunaman estudiota munachiq, willawaqtaq yachachisqaykiq sutinpi risqaykita. Khaynata qallariwaq: “[Yachachisqaykiq sutinta niy] estudiashanmi Bibliata, willawarantaq qanpas munawaqpaschá Biblia estudiayta”, nispa. Chaymanta Enseña librota kicharispa qhawarichiwaq imayna estudianata.
Yachachisqaykichus espiritualpi wiñarishan chayqa, kallpachawaqmi amigonkunaman familiankunamanpas imayna Biblia estudianata qhawachinanpaq. Pay kikinpas invitanmanmi estudiasqaykichisman hamunankupaq. Mana atikuqtinqa, paykunawanmi yachachisqayki rimanakunman qan kikiyki rispa imayna estudianata qhawarichinaykipaq. Chhaynapin yachachisqaykita yanapashanki hukkunawan Bibliamanta rimananpaq.
Visitashallasqayki runakunapas, manaña Bibliata estudiankuchu chaypas, willasunkimanmi hukkunaq sutinta. Enseña librota munachishaspa tapuwaqmi: “¿Reqsisqaykikunamanta pillapas munanmanchu kay qelqayoq kayta?”, nispa.
Makilla kana tiempopitaq tiyashanchis chayqa, imaymanamantan runakunata yanapananchis allin willakuykunata uyarinankupaq. Chay hinaqa, ¿Bibliamanta yachachisqaykikunaq sutinpi hukkunaman rillankichu?