Sucursalmanta cartan

Munasqa wayqe-panakuna:

Askha hatun muyuq wayrakunan 2005 watapi Estados Unidospa wakin llaqtankunaman chayaran. Kay hawan waranqanpi wayqe-panakuna sasachakuypi tarikuranku.

Katrina sutiyoq hatun muyuq wayramanta ayqekuq wayqenchis nin: “Hawaykupi p’achallaykuwanmi chayamuyku. Wayqe-panakuna sumaqta chaskiwaranku, wasiykupi hinaraq. Munaranku qhepakunaykuta”, nispa.

Yaqa pusaq waranqa wayqe-panakuna llank’aranku 60 Comités Regionales de Construcción nisqawan, paykunaqa sasachakuypi kaq wayqe-panakunata yanaparanku tiemponkuta qospa, llank’ayninkuwan, kaqninkunawanpas. Yanapayninkuwanmi allichakuran, wakmanta hatarichikuran 86 Huñunakuy Wasikunata, 4.178 wasikunatapas. Ichaqa askharaqmi ruwana kashan 5 Huñunakuy Wasikunapi, 722 wasikunapipas. Wakin yanapakuqkunaqa karumantaraqmi riranku yanapaq. ¡Maytan agradecekunchis munakuywan yanapakusqankuta! (1 Tes. 5:18.)

Yanapaq hamuq pananchis niran: “Anchatan kusikurani ñañaykuna turaykuna mosoq wasinkuta qhawaspa kusikusqankuwan. Maytan kusikuni kay hina sumaq llaqtapi kasqaymanta”, nispa.

Kaypin yachanchis teqsimuyuntinpi wayqe-panakunata munakuy hukllachasqanta. Valekuykiku, ñak’ariq wayqe-panakunapaq, yanapakuqkunapaqpas Diosmanta mañakushanallaykichispaq (Juan 13:35; 2 Cor. 1:11).

Wayqeykichiskuna,

Oficina Sucursalmanta