Jesuspa ruwasqanta hina ruwasun
1. ¿Imakunatan Jesús ruwaran?
1 Runakunaman yachachishaspaqa kayta yuyarinanchis: paykunaqa imakuna ruwasqanchistan astawanqa qhawanku. Jesuswan kuska puriqkunaqa askhatan yacharanku Jesuspa ruwasqanta qhawaspa. Rikurankun tukuy sonqowan Diosta servisqanta, runamasin munakusqanta, Yayanpa sutinta hatunchasqanta, Diospa munayninta hunt’asqantapas (1 Ped. 2:21).
2. ¿Imaynatan ejemplonchiswan yanapasunman predicaqmasinchiskunata?
2 Hukkunawan predicaspa: Predicaqmasinchiskunapas askhatan yachankuman ruwasqanchista qhawaspanku. Tukuy sonqo predicasqanchista qhawaspankun mosoqkunapas manaraq allinta predicaqkunapas kallpachakunqaku allinta predicanankupaq. Kusisqa predicasqanchista, runamasinchispi interesakusqanchistapas rikuspankun paykunaqa kaqllatataq ruwanqaku. Sichus Bibliawanpuni predicasun, revisitakunata tukuy sonqowan ruwasun, estudiokunatapas allinta qosun chayqa, predicaqmasinchiskunapas kaqllatataqmi ruwanqaku.
3. ¿Imaynatan ejemplonchiswan yachachisunman estudiachisqanchista? ¿Imaynataq payri qhepaman kanqa?
3 Estudiota qospa: Estudiachisqanchiskunaqa makillan qhawanku imachus ruwasqanchista. Sichus ninchis: Preparakunanchismi estudiopaq, textokunatapas maskhananchis, marcananchistaq allin yachaykunata nispa chayqa, ñoqanchispas preparakunanchismi, mana chayqa reparanqakun mana preparakusqanchista (Rom. 2:21). Hinaspapas, sichus nisqanchis horatapuni yachachiq rinchis chayqa, paykunapas suyawasunpunin chay horata. Rikullanqakutaqmi allin iñiyniyoq kasqanchista, predicananchisrayku kallpanchista tukukusqanchistapas. Chaychá Jesuspa ruwasqanta hina ruwaq Testigowan estudiaqqa allin predicaqman tukun.
4. ¿Imaynatan huñunakuykunapi ejemplonchiswan yachachisunman?
4 Huñunakuyninchiskunapi: Llapa iñiqkunan ejemplonchiswan yachachisunman huñunakuykunapi. Chayllaraq huñunakuyninchisman hamuqkunaqa qhawankun wayqe panantin hina huk nisqalla kawsasqanchista, allin yuyaywan p’achakusqanchistapas (Sal. 133:1). Qhawallankutaqmi mana p’itiyta huñunakuykunaman hamusqanchista, huñunakuykunapi tapuykuna kutichisqanchistapas. Huk runas huñunakuyninchisman hamuspa rikusqa imaynata huk erqecha Bibliamanta textokunata usqhaylla tarisqanta makilla leesqantapas. Chayta rikuspan payqa estudiota mañakusqa.
5. ¿Imanaqtinmi kallpachakunanchis Jesuspa ruwasqanta hina ruwanapaq?
5 Diospa Simin Qelqaqa kallpachawanchismi hukkunaq allin ruwasqanta hina ruwananchispaq (Fili. 3:17; Heb. 13:7). Jesuspa ruwasqanta hina makilla ruwasunchis chayqa, qhawaqninchiskunapas kallpachakunkumanmi kaqta ruwanankupaq. Chay hinaqa, llapallanchis kasukusun 1 Timoteo 4:16 nisqanta, chaypin nin: “Qan kikiykita allinta cuidakuy, hinallataq yachachikuyniykitapas”, nispa.