Allinta preparakusun uyarikuqkunaman kutinapaq
1. ¿Maykaman Jesuspa qatikuqninkuna predicananku karan?
1 Jesusqa allintan yachachiran qatikuqninkunata ‘Diospa qhapaqsuyunmanta allin willakuykunata willanankupaq’ (Mat. 4:23; 9:35). Palestina ukhullapi Jesús predicaran chaypas manaraq hanaq pachaman kutipushaspan qatikuqninkunaman willaran ‘llapa suyu runakunaman yachachinankumanta, [paypa] yachachisqankuna kanankupaq’ (Mat. 28:19, 20).
2. ¿Imatawanmi ruwananchis Jesuspa kamachikusqanta hunt’anapaq?
2 Chay kamachisqanta hunt’anankupaqqa allin willakuykunamanta yachay munaqkunamanmi kutinanku karan, chhaynapi Cristoq kamachikusqanta kasukuyta yachachinankupaq. Chaymi ñoqanchispas allin preparasqa kananchis munaqkunaman kutispa allinta yachachimunanchispaq.
3. ¿Imatan qallariymantapacha ruwasunman uyarikuqkunaman kutinapaq?
3 Allichakuy kutinaykipaq: Wakin cristianokunaqa predicayta tukuruspan huk tapuyta tapunku hukpi kutispa chaymanta rimanankupaq. Kutispataq Imatapunin nisqa librota horqospa huk estudiota qallarinku.
4. ¿Imaraykun mana revistakuna lloqsimunantaraqchu suyananchis uyarikuqkunaman kutinapaq?
4 Ichaqa manan huk killapaq revista lloqsimunantaraqchu suyananchis uyarikuqkunaman kutinapaq. Aswanmi usqhaylla kutispa makinpi kaq revistamanta parlarinanchis astawan yachayta munananpaq.
5. ¿Imapi yuyaykuspan kutinanchis uyarikuqkunaman?
5 ¿Imapi yuyaykuspan kutinayki? Manaraq kutishaspa registro de casa en casa nisqa qelqaykita qhawariy chayman hinataq allichakuy ima ruwanaykitapas. Yaqapaschá saqesqayki qelqamanta ima tematapas rimapayanki otaq ñawpaqpi rimasqaykichisman hina willaq qelqata saqenki. Huk tapuyta saqeranki chayqa chaymantachá kutichinayki kanqa. Rimasqaykichisman hina Bibliapi textokunata willanki chaypas Bibliamantapunin ñawinchanayki.
6. ¿Imapaqmi uyarikuq runakunaman kutinchis?
6 Imapaqmi kutinchis: Bibliamanta estudiota qallarinankupaqmi uyarikuqkunamanqa kutinchis. Huk iñiqmasinchismi huk runaman kutispa estudiota munachiran ichaqa manan munaranchu. Chayllaraq chayamuq revistakunantin kutispataq niran: “Kaykunapi tiyaq runakunatan visitamushayku hinaspa Bibliamanta tapukuyninkuta kutichishayku”, nispa. Chay runaq ima yuyaykusqanta uyarispataq Bibliamanta huk textota leespa huk qelqamanta huk parrafota ñawincharan. Chhaynapin estudiota qallariran.
7. ¿Imaynatan preparakusqayki yanaparasunki estudiota qallarinaykipaq?
7 Munaqkunaman kutinapaq preparakuyqa manan yanqapaqchu kanqa. Chayta ruwasun chayqa kusisqan llank’asun, yaqapaschá ‘wiñay kawsay’ munaqkunata tarispa yanapasun wiñay kawsayman aypanankupaq (Hech. 13:48).