Jehová Dios munakuyta yachachisun
1. ¿Imaraykun Jehová Dios serviyta munaranchis?
1 Yuyarishanchispaschá chayllaraq Jehová Diosmanta yachashasqanchis tiempota. ¿Imaraykun tukuy sonqo serviyta munaranchis? Ancha munakuq, khuyapayakuq, sumaq Dios kasqanta yachaspachá (1 Juan 4:8).
2, 3. ¿Imaynatan ¿Imatapunin Biblia yachachin? nisqa librowan Dios munakuyta yachachisunman?
2 “Kaymá Diosninchisqa”: ¿Imatapunin Biblia yachachin? nisqa libroqa allintan reparachiwanchis Jehová Dios ancha munakuq kasqanta, kallpachawanchistaq paypa amigon kananchispaq. ¿Imaynatan kay librowan estudiachisqanchiskunata yanapasunman Diosta munakunankupaq? Chaypaqmi sapa estudiachisqanchispi kay hinata tapusunman: “¿Imatan Jehová Diosmanta kay yachachiwanchis?” otaq “¿Imaynatan kay yachachiwanchis Jehová Dios ancha munakuq Taytanchis kasqanta?”, nispa. Chhaynata tapuspaqa allintan paykunata yuyaymanachisun tukuy sonqowan Jehová Diosta munakunankupaq.
3 Maypachachus estudiachisqanchiskuna entiendenqaku cheqaq Diosmanta yachay may sumaqpuni kasqanta, kallpachakunqakutaq Diosta reqsinankupaq chayqa, profeta Isaías hinan ninqaku: “Kaymá Diosninchisqa”, nispa (Isa. 25:9). Diospa Simin Qelqata yachachishaqtinchisqa allintan paykunaman entiendechinanchis imakunatas Jesús runakunaq allinninpaq ruwanqa kay pachata kamachikamuqtin chayta (Isa. 9:6, 7).
4, 5. ¿Iman Jehová Diosta munakuy?
4 ¿Iman Jehová Diosta munakuy? Yachasqanchis hina, Jehová Diosta tukuy sonqowan, tukuy almawan, tukuy yuyaywan munakuyqa manan “Diostan munakuni” niyllachu; aswanpas paypa munasqanman hina kawsaymi (Sal. 97:10). Diosta munakuspaqa tukuy imapipas paytan kasukunanchis, “Dios sonqo purispa[taq] Diosllapaqña kawsana[n]chis” sasachakuypiña kaspapas, contranchispiña hatariqtinkupas (2 Ped. 3:11; 2 Juan 6).
5 ¡Ancha kusikuymi tukuy sonqonchiswan Jehová Diospa munayninta ruwayqa! (Sal. 40:8.) Estudiachisqanchiskuna Dios serviyta chhaynata qhawarinankupaqqa, allintan entiendenanku Diospa llapa kamachikuyninkuna serviqninkunaq allinninpaqpuni kasqanta. Chaymantapas, Diospa imaymana ruwasqanmanta agradecekunankupaqqa yachanankun paypa munasqanman hina kawsayta (Deu. 10:12, 13). Sichus Jehová Diospa kamachikusqanta kasukuspa kawsanqaku chayqa, askha nanaykunamanta llakikuykunamantapas waqaychasqa kanqaku, chaytan allinta entiendechinanchis.
6. ¿Imatan Jehová Dios ruwan munakuqninkunapaq?
6 ¿Imatan Jehová Dios ruwan munakuqninkunapaq? Jehová Diosqa sumaqtan qhawarin munakuqninkunata, chaymi “ukhu sonqontapas [otaq munaynin imayna hunt’akunantapas]” paykunaman yachachin (1 Cor. 2:9, 10). Chhaynapin paykuna yachanku qhepaman imakuna sucedenanta, allin suyakuyniyoqtaq kankupas (Jer. 29:11). Allintan yachanku sichus Jehová Diosta munakunqaku chayqa, paypas munakuyllawantaq kutichinanta (Éxo. 20:6). Chaymi kusisqa suyakunku ancha munakuq Jehová Dios wiñay kawsay qonanta (Juan 3:16).
7. ¿Imaninkin qan Jehová Diosta munakunankupaq runakuna yachachiymanta?
7 Munakuq Diosninchismanta astawan yachasun chayqa, astawanmi hukkunamanpas willayta atisun (Mat. 13:52). ¡Ima munaymi Jehová Diosta munakunankupaq runakunata yachachiyqa! Astawanraqqa kusikusunman wawanchiskunata yachachispa (Deu. 6:5-7). Chay hinaqa, ñoqanchispas estudiachisqanchiskunapas kusisqallapuni hatunchasun ancha munakuq Diosninchista (Sal. 145:7).