¡Atiwaqmi allin yachachiq kayta!
1. ¿Ima ruwaymi kusichiwasunman llapa predicaqkunata?
1 ¿Iman cristianokunata anchata kusichiwasunman? Huk runakunaman Bibliamanta cheqaq yachachikuyta yachachiymi. Predicashaspa pitapas Diosmanta yachay munaqta tarispaqa anchatan kusikunchis. Astawanmi kusikunchis chay runa pisi-pisimanta imayna kawsasqanta imayna runa kasqanta cambiasqanta rikuspa, hinallataq Diosta allinta reqsinanpaq yanapaspa ima. ¡Manan imapas chay hinaqa kusichiwasunmanchu! (Sant. 4:8.) Chay ruwaytaqa Reinomanta llapa predicaqkunan ruwananchis (Mat. 28:18, 20).
2. ¿Imaraykun wakin cristianokuna manchakunku Bibliamanta estudio qoyta? ¿Imaynatan mana manchakuspa estudio qoyta yachankuman?
2 Jehová Dioswan yanapachikuy: Ñawpa tiempopi Diosta wakin serviqkunaqa mana allin preparasqa hinan qhawarikuranku, chaymi manchakuranku Diospa munaynin hunt’ayta. Chhaynaña karan chaypas hunt’arankun Diospa kamachisqanta. Wakinmi karan Moisés, Jeremías, Amós, paykunaqa común runakunaña, manchasqaña kasharanku chaypas ruwarankun Diospa imachus kamachisqanta, ¿imaynapi? Dioswanyá yanapachikuranku (Éxo. 4:10-12; Jer. 1:6, 7; Amós 7:14, 15). Apóstol Pablo iñiqmasinkunawanpas imaymana sasachakuykunapiña tarikuranku chaypas, kallpachasqan tarikuranku. ¿Pitaq kallpachanmanri karan? Pablon niran: “Diosninchismi kallpachawarqanku”, nispa (1 Tes. 2:2). Ñoqanchistapas Jehová Diosqa kallpachawasunmi imayna ñawpa tiempopi serviqninkunatapas kallpacharan hinata. Arí, paymi qowasunchis allin yachayta kallpata ima chhaynapi hukkunaman Bibliamanta allinta yachachinanchispaq (Isa. 41:10; 1 Cor. 1:26, 27; 1 Ped. 4:11).
3, 4. ¿Imakunan yanapawasunman allin yachachiq kanapaq?
3 Jehová Dioswan yachachikullay: Ancha Allin Yachachiq Jehová Diosmi sapa kutilla llaqtanpi yachachiwanchis allin yachachiq kananchispaq (Isa. 54:13; 2 Tim. 3:16, 17). Chaymi ñoqanchisqa yachachikunallanchis paywan. Chaymantapas kallpachakunanchismi Bibliamanta astawan yachananchispaq, chhaynapin Bibliamanta allin yachachiq kasunchis. Chaypaqña ruwakun Bibliamanta allin yachachiq kanapaq Escuela hinallataq Runaman Diosmanta yachachinapaq huñunakuy chaypas, llapa huñunakuykunapin yachanchis Bibliamanta allin yachachiq kaytaqa.
4 Chaymantapas kallpachakuy Bibliapi sasa yachachikuykunatapas entiendey atiyllata yachachinaykipaq. Chaypaqmi ichaqa Benefíciese nisqa libropi 227 paginapi nisqanman hina ruwana. Chay libroq nisqan hina “imatapas allinta entiendechinapaqqa ñoqanchis kikinchismi allinta entiendenanchis”. Sapa huñunakuypi tapuykunaman kutichiypas yanapawasunmanmi allin yachachiq kanapaq. Chhaynaqa, allin yachachiq kanapaqqa allintan preparakunanchis, chhaynapin mana manchakusunchu hukkunaman yachachiytapas.
5. ¿Pikunan yanapawasunman allin yachachiq kanapaq?
5 Ñawpa tiempopi cristianokunataqa hukkuna hukkunawan predicasqankun yanapanman karan allin yachachiq kaytaqa (Luc. 10:1). Paykuna hinan qanpas precursorkunawan umalliqkunawan hinallataq watukuq umalliqkunawan ima lloqsinayki Bibliamanta yachachiq. Qelqanchiskunapiqa imaymana rikch’anachiykuna, dibujokuna, hukkunapiwanmi kan, chaykunawanmi paykunaqa allinta yachachinku Bibliamanta, chaykunawan imayna yachachisqankuta allinta qhaway. Chaymantapas paykunata tapuy imakunata ruwanayki allin yachachiq kanaykipaq chayta (Pro. 1:5; 27:17). Iñiqmasinchiskuna yachachiwasqanchismantaqa Jehová Diostan agradecekunanchis, pay llapanchista yachachiwasqanchisrayku (2 Cor. 3:5).
6. ¿Imatan ruwana Bibliamanta allin yachachiq kanapaq?
6 Jehová Diospi confiay, llaqtanpipas paywan yachachikushallay. Mañakuypipas Diosman willay allin yachachiq kay munasqaykita (Sal. 5:4, 5). Chaykunata ruwaspan hukkunatapas yanapanki Bibliamanta allin yachachiq kanankupaq.