¿Imaynapin allin compañero kasunman?
1. ¿Imaraykun allinpuni iskay-iskaymanta predicay?
1 Huk kutinmi Jesusqa 70 yachachisqankunata “iskay-iskaymanta” predicaq kacharqan (Luc. 10:1).a Iskay-iskaymanta predicaspaqa yanapanakurqankuchá, kallpachanakurqanku ima. Ñoqanchispas piwanpas predicashaspaqa, ¿imaynatan yanapanakusunman?
2. ¿Imaraykun makilla uyarinanchis predicaqmasinchis rimashaqtin? ¿Imaynatan rikuchisunman chayta?
2 Allin uyariq kay. Compañeroyki predicashaqtinqa allinta uyariy rimasqanta (Sant. 1:19). Ima textotapas leeqtinqa qanpas Bibliaykipi maskhallaytaq. Chaymantapas predicaqtapas wasiyoqtapas qhawarinaykin rimaqtinkuqa. Makilla uyarinki rimasqankuta chayqa, wasiyoqpas kaqllatataqmi ruwanqa.
3. ¿Imaynapin compañeroykita yanapawaq?
3 Rimanayki kallaqtin rimay. Compañeroyki predicashaqtinqa manan rimanaykichu, payllan rimanan, chhaynapin respetasqaykita rikuchishanki (Rom. 12:10). Rimashaspa ima ninantapas qonqarqapunman otaq “yanapaway” nillasuqtiykin rimanayki. Ichaqa imamantachus rimasharqan chayllamantan rimanayki (Pro. 16:23; Ecl. 3:1, 7). Chhaynapin compañeroykiq rimasqanta allinta tukupanki (1 Cor. 14:8).
4. ¿Imayna compañeron kananchis kusisqa predicananchispaq?
4 Jesuspa 70 yachachisqankunaqa ‘kusisqan kutimpurqanku’ predicasqankumanta (Luc. 10:17). Ñoqanchispas chhaynallataqmi predicacionmanta kutimpusun allin compañero, allin uyariq, tiempollanpi rimaq kayta yachasun chayqa.
[Uranpi willakuy]
a Bibliamanta wakin ñawpa copiakunapin nin: “70” nispa, wakinpitaq “72”, nispa.