Predicanapaq yanapaykuna: Compañeroykita yanapay

Imarayku allinpuni. Jesusqa yacharqanmi iskay-iskaymanta predicayqa allinpuni kasqanta, chaymi qatikuqninkunataqa iskay-iskaymanta kacharqan predicamunankupaq (Luc. 10:1). Qanqa yanapawaqmi compañeroykita predicashaspa wasiyoqpa tapuyninman mana kutichiyta atiqtin otaq imapipas rikukuqtin (Ecl. 4:9, 10). Hinaspapas willawaqmi imaynatachus predicasqaykita otaq yanapawaq allinta predicananpaq (Prov. 27:17). Parlasqaykiwanpas kallpachawaqmi (Filip. 4:8).

Imaynata ruwasunman:

Compañeroyki predicashaqtinqa tukuy yuyaywan uyariy predicasqanta (Sant. 1:19). Bibliamanta leeshaqtinqa qanpas Bibliaykipi qatipay leesqanta. Chayta ruwaspan yanapayta atinki necesitasqan ratopi.
Compañeroyki predicashaqtinqa allintan qhawarina necesitanchus yanapanata icha manachus chayta, ima ratopi yanapanatapas (Prov. 25:11). Sichus pitapas acompañashanki Bibliamanta estudiota qonanpaq chayqa, payqa kusikunqachá estudiota qoshaqtin imallatapas rimaqtiykiqa. Sichus compañeroyki mana munanchu predicasqanta tatichinaykita chayqa, respetanaykin. Mayninpin ichaqa mosoq publicadorwan predicashaqtiyki mana atinmanchu wasiyoqpa tapuyninman imayna kutichiyta, chaykunapi yanapanki chayqa kusikunqan. Chay hinaqa compañeroykiwan wasi-wasinta predicashaspa, huk runata visitashaspa, otaq Bibliamanta estudiota qoshaspaqa manan allinchu kanman compañeroykiq rimasqanta tatichispa qanlla tukuyta rimawaq chayqa.
Imayna predicasqaykimanta rimapayay. Sichus reparanki compañeroyki allin predicaq kananpaq yanapanata necesitasqanta chayqa, yanapaykuy (Prov. 3:27). Yaqapaschá sumaqllata kayta niwaq: “‘¿Imaninki wasiyoqwan rimasqaykimanta?’, otaq ‘kaytan qhawarisharqani’, otaq ‘chhaynapi tarikuspaqa kaytan ñoqaqa nini’”, nispa. Compañeroykiqa chhayna yanapasqaykiwanqa kusikunqan, ichaqa sapa kutilla pantasqanta willanki chayqa llakichinkin.

Killantin kayta ruway:

Predicayta tukusqaykichis qhepaman compañeroykita agradecekuy, imachus ruwasqanwan imachus nisqanwan predicaypi yanapasqasuykimanta.