¿Preparasqachu wawaykikuna kashanku?
1. ¿Imaraykun wawaykikuna preparasqa kashananku?
1 Marzo killapin escuelapi laboreskuna qallarirqan. Cristiano wawakunaqa sasachakuykunapin tarikunku. Ichaqa atinkun ‘cheqaq-kaymanta willayta’ (Juan 18:37). Wawaykikunari, ¿preparasqachu kashanku?
2. ¿Imatan wawaykikuna yachananku preparasqa kanankupaq?
2 ¿Yachankuchu wawaykikuna ima ruwaykunas nacionta yupaychanapaq kasqanta otaq pantasqa religionmanta paqarisqanta? ¿Yachankuchu imarayku mana allin kasqanta? Universidadpi estudianankupaq mat’ipayaqtinku, ¿preparasqachu kashanku? Piwanpas lloqsinankupaq, tragota ukyanankupaq otaq drogakunankupaq mat’ipayaqtinku, ¿yachankuchu ima ruwayta? ¿Yachankuchu iñisqankumanta sut’inchayta, icha “religionniykupiqa manan chayta ruwankuchu” nispallachu kutichinku? (1 Ped. 3:15.)
3. ¿Imaynatan tayta-mamakuna Familiantin Diosta Yupaychana Ch’isipi wawankuta yanapankuman?
3 Familiantin Diosta Yupaychana Ch’isipi yanapaychis. Escuelapi kashaqtinkuqa sasachakuykunatan tarinqaku, chayman hinataq tayta-mamakuna yanapanqaku. Ichaqa sichus kallpachakunkichis yachachinaykichispaq manaraq sasachakuykuna kashaqtin chayqa, manañan wawaykichiskunaqa iskayyanqakuchu. Chaykunataqa Familiantin Diosta Yupaychana Ch’isipin qhawariwaqchis. Wawaykichiskunatan tapuwaqchis escuelaman haykupuqtinku imakuna llakichisqanta. Chaymantapas ñawpaq watakunapi rimasqaykichis temakunamantan parlariwaqchis, kunanqa yaqapaschá aswan allinta entiendenkuman (Sal. 119:95). Demostracionkunatan ruwawaqchis, chaypitaq profesormanta otaq compañeronkumanta ruwawaqchis. Wawaykichista yachachiychis Bibliawan tapuykunaman kutichinankupaq, hinallataq Razonamiento, Los jóvenes preguntan nisqa librokunawan kutichinankupaq. Huk hermananchismi wawankunawan ensayaq manaraq paykunaq laboresninku qallarishaqtin, chhaynapi escuelaman haykupuspa Jehová Diospa testigon kasqankuta profesorninkuman willanankupaq. (Qhaway, 2010 wata 15 diciembre killa Qhawaq revistata, 3-5 paginakunata.)
4. ¿Imatan tayta-mamakuna ruwananku wawankuta yanapanankupaq?
4 Kay tukukuy p’unchaykunapiqa aswan ‘sasachakuykunatan’ wawakuna atipananku (2 Tim. 3:1). Chayraykun tayta-mamakunaqa tukuy atisqankuta ruwananku chay sasachakuykunapi yanapanankupaq (Pro. 22:3). Chhaynaqa, tayta-mamakuna manaraq labores qallarishaqtin, escuelapiña kashaqtinkupas wawaykichista yanapaychis allin preparasqa kashanankupaq.