Los testigos de Jehová: una historia de fe viva. Parte 1: Salen de la oscuridad
Bibliapiqa k’anchaytan rikch’anachikun cheqaq kaywan laqhayaqtataq llulla kaywan (Sal. 43:3; Isa. 5:20). Evata Saqra q’otusqan qhepamanmi kay pachaqa laqhayaqpi kapurqan. Kunantaq lliw runa chhaynapi tarikushan (Apo. 12:9). Los testigos de Jehová: una historia de fe viva. Parte 1: Salen de la oscuridad nisqa discon (DVD) willan imaynatas cheqaqkaq k’anchayta qallarirqan chayta (Isa. 60:1, 2). Chay videota qhawasqayki qhepaman qatimuq tapuykunata kutichiy.
1) Apostolkunaq wañupusqan qhepaman, ¿imaynatan espiritual laqhayay mast’arikurqan? 2) Waranqa pachak watakunamantapacha, ¿imakunan runakunata reparachirqan Iglesiaq waqllipusqanta? 3) ¿Pikunan karqanku Henry Grew, George Storrs? 4) ¿Imakuna sucedesqanmi Charles Russell iñiqmasiq sonqonman chayarqan? 5) ¿Imaynatan Bibliata estudiaqku iñiqmasinchis Russell, taytan huk reqsinasqankunapas? ¿Imatan chaykunamanta yacharqanku? 6) ¿Imaynapin iñiqmasinchis Russellpa Biblia estudiasqan t’aqa huñukurqan Nelson Barbour t’aqawan? ¿Imanaqtinmi t’aqanakapurqanku? 7) ¿1879 watapi ima sucedesqanmi espiritualpi k’anchayta qallarichirqan? 8) Chaypachamantapacha, ¿imaynatan Estudiantes de la Biblia nisqa t’aqa allin willakuykunata mast’arirqan? 9) ¿Imatan Estudiantes de la Biblia nisqa t’aqa suyakusharqan 1914 watapi? 10) ¿Hermano Russell wañukapusqan qhepata, ¿ima sasachakuykunan karqan? 11) ¿Imatan Estudiantes de la Biblia t’aqa ruwarqan hermano Rutherford compañeronkunapiwan carcelmanta kacharinpuqtinku? 12) ¿Imaynatan yanaparqasunki kay video Diospa llaqtanta astawan munakunaykipaq? 13) ¿Imaynatan yanapasunki kay video ima sasachakuyña kaqtinpas tukuy sonqo predicashanallaykipaq? 14) ¿Imaynatan kay videowan hukkunata yanapawaq?
¡Ancha sumaq yachachikuykunatan ñawpa cristianokunaqa saqewarqanchis! Espiritualpi laqhayaq pachapiña kawsarqanku chaypas, tukuy sonqowanmi mana manchakuspa k’anchayta aparirqanku. Paykunata qatikuspa ‘k’anchayllapipuni’ purishasunchis (Efe. 5:8).