Los testigos de Jehová: una historia de fe viva. Parte 2: Dejan brillar su luz
1919 watapi iñiqmasinchis Rutherford huk iñiqmasinchiskunapiwan carcelmanta lloqsimusqanku qhepamanmi, Estudiantes de la Biblia nisqakuna hatun llank’ayta aparinanku karqan. Los testigos de Jehová: una historia de fe viva. Parte 2: Dejan brillar su luz videon (DVD) willawanchis sasachakuykunapi tarikusqankuta, Bibliamanta yachayninkupas astawan yapakusqanta iñiyninkupas aswan-aswanta wiñarisqanta (Pro. 4:18; Mal. 3:1-3; Juan 15:20). Kay videota qhawaspa qatimuq tapuykunata kutichiy.
1) ¿Imakunata ruwaspan Estudiantes de la Biblia nisqakuna lliwman predicayninkuta aparirqanku? 2) ¿Iman hatun huñunakuykunapi sucederqan 1931, 1935 watakunapi? 3) ¿Imaraykun ancha allinpuni karqan 1939 watapi 1 noviembre killapi inglés rimaypi Qhawaq revista? 4) ¿Iman sucederqan Madison Square Garden wasipi “Gobiernowan thak-kaywan” hatun huñunakuypi iñiqmasinchis Rutherford discursota qoshaqtin? 5) ¿Imanaqtinmi mana qonqanapaq karqan iñiqmasinchis Knorrpa “Thak-kay, ¿unaypaqchu?” nisqa discurso qosqan? 6) ¿Imakunatan ruwarqanku 1942 watapi Jehová Diospa testigonkuna predicayninkuta mast’arinankupaq? 7) Willay Estados Unidos, Canadá Grecia nacionkunawan juiciokuna aparikusqanta. 8) ¿Imaynatan Escuela de Galaad nisqa yanaparqan astawan predicación mast’arikunanpaq? 9) 1946 watamanta Jehová Diospa testigonkuna, ¿ima llank’aytan aparirqanku, imarayku? 10) ¿Imatan ruwarqanku Jehová Diospa testigonkuna kawsayninku Bibliaq nisqanman hina kananpaq? 11) 1960 watakunapi Bibliaq nisqanman hina imapas ruwakunanpaq ima cambiokunapas kasqanmanta willay. 12) ¿Imaynatan yanaparqasunki kay video Jehová Diospuni llaqtanpiqa imatapas ruwasqanta yachanaykipaq, kaypuni llaqtan kasqantapas entiendenaykipaq? 13) ¿Imaynatan yanapasunki kay video ima sasachakuyña kaqtinpas tukuy sonqo predicashanallaykipaq? 14) ¿Imaynatan kay videowan hukkunata yanapawaq?
Sapa p’unchaymi Jehová Diospa testigonkunaq ruwasqanqa qelqasqa kashan. ¿Ima ninqan chay qelqakuna ñoqanchispas predicaypi kallpachakusqanchismanta? Ñoqanchispas ñawpa tiempopi iñiqmasikuna hina, ‘k’anchayta k’anchachisun’ (2 Cor. 4:6).