Internetpi direccionninchisqa llapa runakunatan yanapan

Jesusmi kamachiwarqanchis Diospa Gobiernonmanta ‘kay pachantinpi willanapaq’ chhaynapi “llapa suyukunaq yachananpaq” (Mat. 24:14). Predicayninchista allinta hunt’anapaqmi Internetpi watchtower.org, jw-media.org, ñawpaqpi lloqsimuq jw.org nisqa direccionninchiskuna hukllapiña lloqsimunqa, chayqa kanqa jw.org nisqan (2 Tim. 4:5). Quechua simipi jw.org/quz nisqan.

“Kay pachantinpi.” Sapa kinsa runamantan huk runa Internetman haykun. Wayna-sipaskunan astawanqa chaypi imaymanata maskhanku. Internetpi kaq direccionninchispipas kanmi Bibliamanta tapukuykunata sut’inchanapaq. Chaypin yachanqaku Jehová Diospa llaqtanmanta, estudiayta munaspapas facil-llatan mañakunqaku. Chaymi yanapanqa mana predicakusqan llaqtakunapipas allin willakuykunata uyarinankupaq.

‘Llapa suyukuna.’ Llapa suyukunapi otaq nacionkunapi runakuna Bibliamanta yachanankupaqqa askha simikunapin cheqaq willakuyta willamunanchis. Chaymi Internet direccionninchispi 400 simikunapi qelqanchiskuna lloqsimushan.

Chaykunawan yanapachikuy. Internetpi jw.org nisqa direccionqa manan runakunaman Bibliamanta yachachinallapaqchu. Chayqa Jehová Diospa testigonkunapaqwanmi. Internetman haykuyta atinki chayqa invitaykikun jw.org nisqaman haykuspa lliwta t’aqwirinaykipaq. Chaymi kunan yachasun imaynatan chay direccionman haykusunman chayta.

[3 paginapi dibujo]

(Imaynapuni kasqanta yachanaykipaq, qelqata qhaway)

Kayta ruway

1 Dirección maskhanapi qelqay www.pr2711.com/quz nisqata.

2 Hawanpi kaq mayqen munasqayki temapipas ñit’iykuy, chayman hinataq wakintapas t’aqwiriy.

3 Celularniyki otaq ima aparatoykipas Internetniyoq kashan chayqa, jw.org nisqaman haykuy. Huch’uyllaña rikhurimunqa chaypas kaq yachachikuyllan lloqsimunqa.