Yanapachikusun jw.org nisqawan: Bibliamanta tapukuykuna

Internetpi jw.org/quz direccionpi “Qelqakuna”, “Librokuna folletokuna” nisqapin kashan Bibliamanta tapukuykuna. Chaypi kaq tapukuykunatan allinta reqsinanchis pipas chay hinata tapukuqtin chaywan yanapachikunapaq. Hinaspapas chay tapukuykunawan yanapachikuspan predicasunman. Yaqapaschá chaypi huk tapuyta akllaspa runakunata nisunman: “¿Ima ninkin chaymanta?”, nispa. Nisqanman hinan jw.org direccionpi nisqanta hina Bibliawan kutichisunman. Hinan nisunman: “Kay yachachikuytan tarirqani jw.org nisqapi”, nispa. Chay qhepamanmi chayta qhawachisunman. Otaq nisunman: “Kay jw.org nisqa direccionpin chay tapuyta kutichishan”, nispa. Iñiq t’aqata watukuqpa esposanmi khaynata nin: “Askha runakunan Diosta tumpanku ñak’arisqankumanta. ¿Dioschu huchayoq kanman runakunaq ñak’arisqanmanta? Huk minutollapi Bibliaq yachachisqanta willarisayki”, nispa. Celularninpi jw.org nisqamanta grabasqanta uyarichispataq Imatapunin libropi 11 capitulota qhawachin.