1 marzo killamantapacha invitacionkunata rakisun
1. ¿Hayk’aqmantapachan qallarikunqa invitacionkuna rakikuyta? ¿Imaraykun ñawpaqmantaraq rakikunqa?
1 Jesuspa Wañusqanta Yuyarinapaq invitacionkunatan 1 marzo killamantapacha rakikuyta qallarikunqa, chay huñunakuyqa marzo 26 p’unchaytan aparikunqa. Kay watapiqa ñawpaqmantaraqmi chay invitacionkunata rakikunqa. Chaykunan yanapawasun aswan askha runakunaman invitamunanchispaq, astawanqa iñiq t’aqanchispi askha territorionkuna kaqtin.
2. ¿Imakunatan ruwakunqa chay invitacionta llapa predicasqanku territoriopi rakinankupaq? ¿Hayk’a invitacionta apananku?
2 ¿Imaynatan rakikunqa? Umallikunan willanqaku imaynatas chay invitacionta llapa predicasqanku territoriopi rakikunanta, hinallataq wasinkupi mana tarisqanku runakunaman saqenankupaqpas. Sichus wasin-wasinta rispa invitacionkunata mana tukunqakuchu chayqa, rakillankumantaqmi askha runakunaq kasqanpipas. Superintendente de servicio iñiqmasinchismi encargakunqa qelqakunata churanapaq mesapi askha invitacionkunata churanankupaq, chaymantapas qelqasqaña kanan maypi aparikunanta ima horapi kanantawan, chayman hinan iñiqmasinchiskuna necesitasqankuman hina horqonqaku. Ichaqa manan llapa invitacionkunatachu churananku. Chhaynapin iñiqmasikuna semanapi tukunankupaq hinalla apanqaku.
3. ¿Imakunatan qhawarinanchis invitacionkunata rakispa?
3 ¿Imaynatan chay invitacionta munachisun? Pisillata rimaspan, chhaynapin askha runakunaman invitasun. 4 paginapi tarisun imaynatas predicasqanchis territoriopi runakunaman munachisunman chayta. Sichus huk runa sumaqta chaskiwasun otaq tapuykunata ruwawasun chayqa astawanmi paykunawan rimasunman. Chaymantapas semana tukuyta invitacionkunawan llank’ashanchis chayqa atikusqanman hina munachisunman revistakunata. 2 p’unchay marzo killapin invitación rakiypi astawan llank’ananchis estudiokuna qallarinamantaqa.
4. ¿Imaraykun tukuy sonqowan chay llank’aypi yanapakunanchis?
4 Jesuspa Wañusqanta Yuyarinapaq huñunakuymanqa askha runakuna hamunankutan munanchis. Chay p’unchay discursopin willakunqa Jesús imakuna ruwasqanmanta (1 Cor. 11:26). Yachallasuntaq imapin yanapawanchis wañusqan chayta (Rom. 6:23). Hinallataq kallpachawasun Jesusta yuyarishanallanchispaq (Juan 17:3). ¡Llapallanchis kallpachakusun tukuy sonqowan kusikuywan chay llank’aypi yanapakunanchispaq!