Ñawpaq revistakunawan llank’asun

Sichus revistakunata waqaychasunman otaq wikch’upusunman chayqa manan pitapas yanapanmanchu, chaymi allinpuni kanman chaykunawan predicay. Huk revistallawanmi pipas astawan Diosmanta yachayta munanman sutintapas hatunchanman (Rom. 10:13, 14). Chaypaq qhawarisun imaynata ñawpaq revistakunata munachisunman chayta.

• Pisita predicakusqan territoriokunapin mana tarimusqanchis runakunaq wasinpi revistata saqesunman, ichaqa hukkunaq mana rikunanpaq hina.

• Terminalkunapi predicashaspaqa chaypin kaq runakunaman asuykuspa revistakunata qhawachisunman hukninta akllakunanpaq.

• Sichus predicasqanchis territoriopi kan municipiokuna, puestokuna, hospitalkuna hukkunapas chayqa, revistakunata saqesunman chaypi kaq runakunaman. Ñawpaqtan ichaqa encargakuqwan parlarina.

• Runakunaman hukmanta kutishaspaqa kaykunatan qhawarinanchis: wawakunayoqchu, huertayoqchu, viajaychu gustan hukkunatapas. Hinaspa ñawpaq revistakunamanta imachus paypaq hina kanman chayta apasunman.

• Sichus Bibliamanta yachayta munaq runawan askha killakunaña mana tupanchischu, kunantaq paywan tuparunchis chayqa mana saqesqanchis revistakunata munachisunman.