Tapuykuna

◼ ¿Imatan wawakuna yachananku iñiyninkupi wiñanankupaq?

Tayta-mamakunaqa kallpachakunkun wawankuta Diosmanta yachachinankupaq (Efes. 6:4). Sapa p’unchaymi T’aqwisun folletota leenku, chayqa yanapanmi kawsayninkupi. Chaymantapas Familiantin Diosta Yupaychananku Ch’isipin videokunata qhawanku, rimankutaq imatachus yachasqankumanta. Los jóvenes preguntan nisqa yachachikuykunata estudianku, ñawpaq tiempomanta actuanku otaq ensayanku iñisqankumanta imaynata hukkunaman willanankupaq. Ichaqa wawakuna iñiyninpi wiñananpaqqa necesitankun Bibliamanta importante yachachikuykunata entiendeyta (Heb. 6:1).

Runakunaman Bibliamanta yachachinapaqmi ñawpaqta Imatapunin librowan qallarinchis, chayta tukuspataq ‘Diospa munakuynin’ librota estudianchis. ¿Imarayku chayta ruwanchis? Imatapunin libron willashan Bibliaq yachachikuyninkunamanta, ‘Diospa munakuynin’ librotaq willashan chayman hina kawsanamanta. Iskaynin librota estudiaspan mosoqkunaqa iñiyninkupi allinta takyanku (Col. 2:6, 7). Wawakunapas yachanankun chay librokunapi tarikuq yachachikuykunamanta. Yachananku kacharichiymanta, Diospa Gobiernonmanta, wañupuqkuna imaynapi tarikusqankumanta, imaynapi yachanchis tukukuy p’unchaykunapi kasqanchista, imarayku hinallata Dios qhawan ñak’ariykuna kasqanta, imarayku ninchis ñoqanchispuni cheqaq kaypi kasqanchistapas. Entiendenankun Diospa kamachikuyninkunata, yachanankutaq allin kaqta mana allin kaqta reparaytapas (Heb. 5:14). Tayta-mamakunan ichaqa qhawarinan hayk’ata wawanku yachayta atinkuman chayta. Wakinqa wawallaraq kashaspan Bibliamanta importante yachachikuykunata allinta entiendenku (Luc. 2:42, 46, 47).