Wawaykikunata yanapay jw.org nisqawan
1. ¿Imapaqmi lloqsimurqan jw.org “Niños” nisqa yachachikuy?
1 Internetpi jw.org nisqaqa llapanchispaqmi. “Enseñanzas bíblicas” ukhupin “Niños” nisqata tarinki, chaymi yanapan tayta-mamakunata wawankuwan hukllachakunankupaq Jehová Dioswan allinpi kanankupaqwan (Deut. 6:6, 7). ¿Imaynatan chaywan wawaykita yanapawaq?
2. ¿Imakunatan qhawarinayki wawaykikunata yachachinaykipaq?
2 Sapankapaq hina yachachiy. Wawakunaqa hukniraymi kanku (1 Cor. 13:11). Chhaynaqa, ¿imaynatan sapanka wawaykita yachachiwaq? Imamanta yachay munasqanta hayk’a watanpi kasqantawanmi qhawarinayki. Hinaspapas qhawarinayki imakuna entiedesqanta hayk’a tiempo uyariy atisqantapas. “Mis primeras lecciones de la Biblia” nisqa yachachikuyqa kinsa watayoq otaq aswan huch’uy wawakunapaqmi. “De padres a hijos” yachachikuypas ancha sumaqmi. Qatiqninpi qhawarillasuntaq huk yanapaykunata.
3. ¿Imaynatan tayta-mamakuna yanapachinkunkuman “Ideas para la adoración en familia” nisqawan?
3 Familiantin Diosta yupaychanapaq yanapaykuna. “Ideas para la adoración en familia” nisqapin familiapi umallikuna yanapayta tarinqaku. Chayman haykuspa ñit’iy “Descargar” nisqapi, hinaspa “Guía para los padres” nisqaman haykuy chaypin yachanki imaynatan chaykunawan yanapachikuwaq chayta. Huch’uy wawakunawanqa “Actividad ilustrada” nisqawanmi yanapachikuwaq. Wiñasqaña wawakunawantaq “Proyecto de investigación” nisqawan. “Guía para los padres” nisqapiqa imaymana edadniyoq wawakunapaqña kashan chaypas, Bibliapi huk yachachikuyllamantan kashan, chhaynapi familiantin estudianaykichispaq.
4. ¿Imakunatan tarinki “Hazte amigo de Jehová” nisqapi?
4 Diospa amigon kanaykipaq kallpachakuy. “Hazte amigo de Jehová” nisqapin “Videos”, “Canciones”, “Actividades” nisqakuna kashan, chaykunan tayta-mamakunata yanapanman wawankuta Diosmanta yachachinankupaq (Deut. 31:12). Videokunapi qhawanapaq dibujokuna wawakunata anchata yanapan hinallataq pukllanankupaq ruwaykunapas. Wawakunamanqa gustanmi takiyqa, chayqa yanapanmi imachus yachasqankuta yuyarinankupaq. Chaymi Diosta hatunchanapaq takikuna, wawakunapaq takikunapas lloqsimushallan.
5. ¿Imaraykun tayta-mamakuna Diospa yanapayninta mañakunanku?
5 Jehová Diosqa munanmi tayta-mamakuna wawankuman cheqaq kaqta yachachinankuta. Chaymi mana iskayaspa Diospa yanapayninta mañakunanku (Juec. 13:8). Chhaynapin wawankuta yanapanqaku yachayniyoq kanankupaq, ‘Jesucristopi iñispa qespikunankupaqpas’ (2 Tim. 3:15; Prov. 4:1-4).